***************
ئه‌وێ ڕۆژێ كه خوا مرۆڤی دروست كردووه, له‌سه‌ر زه‌وی وه‌چه‌یان دانا, ئیتر بیركردنه‌وه‌ی جیاواز هاته گۆڕێ, به‌و واتایه‌ی كه بۆ هه‌موو بابه‌تگه‌لێك به چه‌شنی ئه‌ڕوانینه ته‌لاری ژیان, ئه‌مه‌ش ئه‌وه ناگه‌یه‌نێت كه هه‌موومان ڕاست بین یان هه‌موومان هه‌ڵه, به‌ڵكو ده‌بێت بگه‌ڕێین تا ده‌گه‌ینه ئه‌نجامێك‌و حه‌قیقه‌ت ده‌دۆزینه‌وه, حه‌قیقه‌تی ڕه‌هاش ته‌نها له قیامه‌ت ده‌رئه‌كه‌وێت, كه‌واته لێره هه‌موو له‌سه‌ر ڕێگایه‌كین له‌وانه‌یه ڕاست بێت‌و له‌وانه‌شه هه‌ڵه.
قورئان به مه‌زنی خۆی به ده جۆر ده‌خوێنرێته‌وه‌‌و هیچ كه‌سیش له‌م بابه‌ته نزمی قورئان نادوێنی‌و هه‌موومان به مه‌زنی ئه‌ڕوانینه قورئانه‌كه‌ی ده جۆر خوێنراو.
له زه‌مه‌نی نورینی ژیان كردن له خزمه‌ت پێغه‌مبه‌ری ئازیز, له كاتی ڕوودانی گه‌مارۆی خه‌نده‌ق, حه‌زره‌ت فه‌رمووی: نوێژی عه‌سر مه‌كه‌ن یانه‌كو له به‌نی قوره‌یزه نه‌بێت, به‌ڵام هه‌ندێ له هاوه‌ڵان به په‌له نوێژه‌كه‌یان كردوو هه‌ندێ خستیانه لای به‌نی قوره‌یزه, خۆشه‌ویستیش گازه‌نده‌ی نه‌كرد, له هیچ لایه‌ك, ئه‌مه نمونه‌ی ئه‌وه‌یه كه بیركردنه‌وه‌ی مرۆڤه‌كان له ئیسلامدا قه‌تیس ناكرێت, وه هێزوگوڕمان زیاتر ئه‌داتێ تا بیرو فكرمان زیاتر بجوڵێنین, وانڤروا ...واعتبروا, هه‌موو ئه‌مانه نمونه‌ی مه‌زنی بیركردنه‌وه‌‌و جێگه‌كردنه‌وه‌ی فكره له ئیسلامدا.
كه‌واته بۆ ده‌بێت له‌سه‌ر بیرو فكر‌و ئه‌ندێشه یه‌كتر قبوڵ نه‌كه‌ین, نه‌توانین هه‌ڵبكه‌ین له‌گه‌ڵ یه‌كتر‌و چاو سوربكه‌ینه‌وه له یه‌كتری, یا جاری وا هه‌یه ته‌نها له‌سه‌ر بیركردنه‌وه یه‌كتری خه‌ڵتانی خوێن ده‌كین, نا ده‌بێت به نوسین‌و گفتوگۆ‌و دیالۆگ له‌گه‌ڵ یه‌كتری بدوێین, په‌نجه‌كانمان بۆ دیالۆگ‌و قه‌ڵه‌م هه‌ڵگرتن بجوڵێین, نه‌ك بۆ زۆر‌و توندوتیژی‌و قڕكردنی یه‌كتری, ده‌بێت ئه‌وه بزانین كه ئه‌گه‌ر یه‌كتریش قوت بده‌ین ئه‌وه له‌لاشه‌ی قوتده‌ردا جارێ تر فكره دژه‌كه سه‌ر هه‌ڵده‌دا. بۆیه با زیاتر بیركردنه‌وه‌‌و ئه‌ندێشه‌ی تر هه‌بێت, چونكه ئه‌گه‌ر هه‌موومان وه‌كو یه‌ك بیربكه‌ینه‌وه ئه‌وه بیرمان نه‌كردووه‌ته‌وه. |
