یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   مامۆستا مەلا شێخ عابد کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   مەکتەبی تەنفیزی یەکێتی زانایان پێشوازی لە بەڕێوەبەری گشتی سامانی ئاژەڵ و ڤێتێرنەری دەکات    *****    *****   بە ئامادەبوونی سەرۆکی یەکێتی زانایان دیدارێکی تایبەت بە رۆژی جیهانی رووبەڕوو بوونەوەی وتاری رقەبەری بەڕێوە دەچێت    *****    *****   مامۆستا مەلا زبێر شێخە لاسەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   یەکێتی زانایان: داوا لە حاجیان دەکەین قوربانیەکانیان لە کوردستان ئەنجام بدەن    *****    *****   مامۆستا مەلا عەلی حەمە ڕەسول گێڵدەرەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   دکتۆر عرفان رەشید سەرۆکی ئەنجومەنی باڵای فەتوای حەج: رۆژانە لە خزمەتی حاجیان داین و کارەکانمان بە رێکو پێکی بەرێوە دەچێت    *****    *****   یەکێتی زانایان سیمینارێکی تایبەت بە ناونیشانی (نەفامی لە نێوان پیرۆزکردن و بە دامەزراوەیی کردندا) بەرێوە دەبات    *****    *****   سەرۆکی یەکێتی زانایان بە یاوەری شاندێک لە شاری سلێمانی چەند دیدارو سەردانێک ئەنجام دەدات    *****    *****   مەکتەبی تەنفیزی یەكێـتی زانایان پێشوازی لە بەڕێوەبەری گشتی چاكسازی كۆمەڵایەتی دەکات    *****    *****   بە ئامادەبوونی سەرۆکی یەکێتی زانایان مەراسیمی بەخشینی بڕوانامەی زانستی لە پیرمام بەرێوە دەچێت    *****    *****   مامۆستا مەلا ئەحمەد خاروکی تەرمەکەی دۆزرایەوەو یەکێتی زانایان پرسەو هاوخەمی خۆی بۆ خانەوادەکەی رادەگەینێت   
د.سیروان کەرکوکی
به‌رواری دابه‌زاندن: 30/04/2024 : 17:51:48
قه‌باره‌ی فۆنت
گرنگی وازهێنان لە مشتومڕو جەدەلی بێ بنەما

أبو أمامة الباهلي دەگێرێتەوە كە پێغەمبەر(درودی خوای لەسەر بێت)‏ فەرموویەتی: (أنا زعيمٌ ببيتِ في رَبَضِ ‏الجنةِ لمَن تَرَكَ المِراءَ وإن كان مُحِقًّا، وببيتِ في وسطِ الجنةِ لمَن تركَ الكذبَ وإن كان ‏مازحًا ، وببيتٍ في أعلى الجنةِ لمَن حَسُنَ خُلُقُه)‏ .

پێغەمبەر (درودی خوای لەسەر بێت) فەرموویەتی: من كەفیلم لە دەستەبەركردنی ماڵێك لە دەوروپشتی ‏بەهەشت بۆ ئەو کەسەی کە واز لە مشتومڕ و موناقەشەكردن دەهێنێت، تەنانەت ‏ئەگەر هەقیش بێت، وە ماڵێک لە ناوەڕاستی بەهەشت بۆ ئەو کەسەی کە واز لە درۆ ‏دەهێنێت، تەنانەت ئەگەر گاڵتەیش بکات، وە كەفیلم لە بەدەستهێنانی خانوویەک ‏لە لوتکەو سەرووی بەهەشت بۆ ئەو کەسەی کە ڕەوشت بەرزو ئاكار جوانە.‏

لەڕاستیدا وازهێنان لە مشتومڕو موناقەشەكردن؛ برایەتی و تەبایی و ئاشتی ‏كۆمەڵایەتی و تەنانەت تەبایی خێزانیش دەپارێزێت لە لێكترازان و ئاژاوەو كێشەو ‏گرفت، درۆكردنیش ئەگەر بە گاڵتەش بێت لە پێگەو ڕیزو حورمەتی كەسە ‏كەمدەكاتەوە لە نێو كۆمەڵگە، وە لوتەكەی ئەو هەموو كردەوانە ڕەوشت بەرزیی و ‏ئاكار جوانییە چونكی ڕەوشتی بەرزی هەموو كایەكانی ژیان دەگرێتەوە.‏

بێداری

لەڕاستیدا ئەو مشتومڕە لەم سەردەمەی ئێستاماندا بۆتە خواست و باسی سۆشیال ‏میدیاو تۆڕە كۆمەڵایەتییەكان، تەنانەت بۆتە دیاردەیەكی زەق، ڕۆژانە زؤربەی زۆری ‏چین و توێژەكانی كۆمەڵگە لە ڕێی لایفی ڕاستەوخۆو و بڵاوكردنەوەی گرتەی ‏ڤدیۆوە، مشتومڕو موناقەشەیەكی زۆر دەكەن لەسەر هەندێك بابەت كە پێویست ‏ناكات ئەنجام بدرێت، لە كاتێكدا ئەو كۆمەڵگەیە موسڵمانە كارێك بە یەكتر دەكەن، ‏با بە بەدەواری شڕی نەكردووە، بیریان چۆتەوە كە پێغەمبەر(درودی خوای لەسەر بێت) فەرموویەتی: من ‏كەفیلم لە دەستەبەركردنی ماڵێك لە دەوروپشتی بەهەشت بۆ ئەو کەسەی کە واز لە ‏مشتومڕ و موناقەشەكردن دەهێنێت، تەنانەت ئەگەر هەقیش بێت .....هتد.‏

جێی خۆیەتی ڕووی دەمم بكەمە ئەو مامۆستاو مەلایانەی هەر یەكەیان سەر بە ‏ڕەوت و ڕێبازێكی فیقهی جیاوازن، كە چی بەیەكتر دەكەن لەو سۆشیال میدیاو تۆڕە ‏كۆمەڵایەتییانەوە، بەڕاستی جاری وا هەیە شەرمت بە خۆدا دێت، وەك ئەوەی ئەو ‏بەڕێزانە، ئەو فەرموودەیەیان نەخوێندبێتەوەو ڕاڤەیان نەكردبێت لەسەر مینبەر بۆ ‏موسڵمانان لە ڕۆژی هەینی دا، یان لە وتارو ئامۆژگاری ڕۆژانەیاندا، بەداخەوە، خۆیان ‏هێناوەتە ئاستێكەوە كە كەس ناخوازێت و حەزی پێی نیە بگاتە ئەو ئاستەیان، لە ‏قسە پێ وتن و بچوك كردنەوەی یەكتر.‏

تكایە لە پێناو خودا ئەو شەڕەی سۆشیال میدیاو تۆڕە كۆمەڵایەتییەكان ڕابگرن، ‏بۆچی مامۆستا و مێزەر بەسەری قەدرگران لەبەر خۆشەویستی پێغەمبەر(درودی خوای لەسەر بێت) ئەو ‏فەرموودەیە جیبەجێ ناكەن، بۆ ئەوەی بەهەشت مسۆگەر بكەن بۆ خۆتان با ‏لایەكتان بێدەنگ بێت لە ئاستی ئەوی تر، با كاردانەوەتان نەبێت.‏

د. سیروان ئەحمەد كركوكی