یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   لقی ئاکرێی یەکێتی زانایان بەشداری کۆڕبەندی زانستی کۆلێژی پەروەردە دەکات    *****    *****   لقی سۆرانی یەکێتی زانایان سیمیناری زانستی هەفتانەی خۆی سازدەکات    *****    *****   لقی هەڵەبجەی یەکێتی زانایان بەشداری وۆرکشۆپێک بەناونیشانی (ڕۆڵی زانای ئاینی لەپاراستنی ئاشتی کۆمەڵگەو ڕێگری کردن لەتوندڕەوی و توندوتیژی)    *****    *****   مەکتەبی تەنفیزی یەکێتی زانایان کۆبوونەوەی ئاسایی خۆی ساز دەکات و چەند پرسێکی گرنگ و تایبەت تاوتوێ دەکات    *****    *****   لقی هەولێری یەکێتی زانایان سیمینارێک لەسەر مەترسی و هەستیاری بابەتی فەتوا ساز دەکات    *****    *****   شاندێکی بەرێوەبەرایەتی بەرەنگاربوونەوەی توندوتیژی دژی ئافرەتان و خێزان سەردانی مەکتەبی تەنفیزی یەکێتی زانایان دەکات    *****    *****   بە ئامادەبوونی سەرۆکی یەکێتی زانایان مەراسیمی بەخشینی بڕوانامەی زانستی لە شاری هەولێر بەڕێوە دەچێت    *****    *****   دکتۆر مورشید شێخ مەعشوق خەزنەوی سەردانی مەکتەبی تەنفیزی یەکێتی زانایان دەکات    *****    *****   مەکتەبی تەنفیزی یەکێتی زانایان پێشوازی لە دکتۆر شێخ مادیح شێخ عوسمان سیراجەدین نەقشبەندی دەکات    *****    *****   مامۆستا مەلا ناصح رۆستایی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   شاندێکی باڵای مەکتەبی تەنفیزی یەکێتی زانایان سەردانی سەنتەری هۆشیاری بۆ راوێژو پەرەپێدانی تواناکان دەکات    *****    *****   مەکتەبی تەنفیزی یەکێتی زانایان پێشوازی لە شاندێکی باڵای کەسایەتی و نوێنەری ئایینەکانی ئەوروپا دەکات   
مه‌لا یاسین وه‌رتی
به‌رواری دابه‌زاندن: 20/08/2014 : 12:37:31
قه‌باره‌ی فۆنت
تاقمە توندڕەوەکان بەرهەمی دەقەکانن یان هەڵقوڵاوی بارودۆخی ناهەموارن؟

لەگەڵ سەرهەڵدانی هەر تاقمێکی توندڕۆو، ئەوانەی کردەی توندوتیژی ئەنجام دەدەم بەناوی ئیسلامەوە، بۆ دۆزینەوەی بنەما تیۆریەکانی ئەو تاقم و گروپانە و هۆکاری سەرەکی دروستبوونیان، نوسەران و توێژەران لە کەنالەکانی ڕاگەیاندنەوە دەکەونە قسەکردن و دەگەڕێن بەدوای دەقە دینیەکان و ڕووداوە مێژووییەکان بۆ دۆزینەوەی سەرەداوی پەیوەندی نێوان ئێستاو ڕابردوو، زۆر جار ئاگاو نائاگا هەموو ئۆباڵەکە دەخەنە ملی ئەو دەقانەی باسی جەنگ و جیهاد دەکەن .

بەڕای من لەگەڵ ئەوەی هەندێک دەق و تێگەیشتنی سەقەت لەدەق ڕۆڵییان هەیە لەڕەوایەتی دان بە کردەوە توندوتیژیەکان بەڵام بەگشتی بیری توندڕەوی و تاقمە توندڕەوەکان هێندەی بەرهەمی بارودۆخی نالەبارو ناسەقامگیرو جەنگ و ململانێی سەربازی وڵاتان و هەژاری و ستەم و نادادگەری و دەردە کۆمەڵایەتیەکانن ئەوەندە زادەی دەقە دینی و نادینیەکان نین .

ئەوانەی توندوتیژی بەناوی دینەوە ئەنجام دەدەن گەرچی بەڵگە بە ئایەت و فەرموودە دەهێننەوە، بەڵام لەڕاستیدا ئەوان پەیڕەوی ویست و ئامانجەکانی خۆیان دەکەن و ئەو دەقە پیرۆزانە تەنها دەکەنە پاساو بۆ کارەکانیان .

پێشەوا عەلی کوڕی ئەبو طالب جوان دەرکی ئەو خاڵەی کردبوو کاتێک سەبارەت بە بەڵگەکانی خەوارج فەرمووی (کلمة حق یراد بها باطل) واتە: قسەیەکی حەقە بۆ مەبەستێکی پووچەڵ بەکار دەهێنرێت!!

هەمیشە ڕۆڵێ ئەو دەقانە (لەگەڵ سنورداربوونیان) دەکەوێتە دوای کاریگەریەکانی بارودۆخ و کارو کاردانەوە جیاجیاکانەوە، کاتێک یەکێک بیەوێ توندوتیژی و کوشتن و بڕین ئەنجام بدات، لەسەر هەر بیروباوەڕو دینێک بێت، سەرەتا ئامادەگی ئەو کارەی تێدایە پاشان دەگەڕێت بەدوای دەق و بیرۆکەی پاڵپشت و پاساودەر بۆ کارەکانی، ئەو کاتیش شتێکی هەر دەست دەکەوێ بیکاتە بەڵگە بۆخۆی، یان هەر نەبوو تێگەیشتنێکی تایبەت لەو دەقانە کەلەگەڵ ئامانج و پلانەکانی دا یەک بگرێتەوە دادەهێنێ و دەیکاتە بنچینەی تیۆری بۆخۆی .

بەڵگەی واقیعی ئەو بۆچوونەی سەرەوە لە نزیک خۆمان ڕووداوەکانی سوریایە کە دوای درێژە کیشان و ئاڵۆزبوونی دۆخی ئەو وڵاتە چەندین تاقمی توندڕەو سەریان هەڵدا بەهۆی هاتنە ئارای ئەو دۆخە شێواوە کە توانی ژینگەیەکی لەبار بۆ گەشەکردنی توندوتیژی و گروپە توندڕۆکان بەدی بێنێ، پرسیارێکی سادە کاریگەربوونی بارودۆخمان بۆ ڕوون دەکاتەوە لەسەرهەڵدانی ئەو گروپانە : بۆچی پێش تێکچوونی دۆخەکە لەگەڵ بوونی هەمان دەق و هەمان خەڵک ئەو گروپانە نەیانتوانی لەو وڵاتەدا سەر هەڵ بدەن؟ بۆچی هەمان ئەو کەسانە لەژینگەیەکی وەکو ئەوروپادا ئەو توندوتیژیە ئەنجام نادەن و لەوێوە دێنە سوریاو عێراق خۆیان بەکوشت دەدەن؟ وەڵامەکەڕوونە، لەوێ دۆخەکە هاندەر نیە بۆ توندوتیژی .

 

بۆیە من ئەوە بەهەلە دەزانم کەهەندێک نوسەرو ڕەخنەگر و بەشێک لەشارەزاو زانایانی ئیسلام دەکەونە وێزەی کتێب و نوسراوە کۆنەکان بە فەرموودەو فیقه و مێژووەوە، هەموو ئۆباڵی دروست بوونی تاقمە توندڕەوەکان دەگێڕنەوە بۆ ئەو دەقانە کە زۆرێکیان تۆزیان لێ نیشتووەو لەبیری خەڵک دا نەماون، پێیان وایە بەڕەتکردنەوەو سڕینەوەیان پارێزراو دەبین لە توندو تیژی، بەڕای من چارەسەرە کاریگەرەکە پێش ئەوە چاککردنی بارودۆخی ناوخۆو پیادەکردنی دادگەری و نەهێشتنی ستەم و گەندەڵی و بێدادیە لە وڵاتدا .