یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   یەکێتی زانایان سیمینارێکی تایبەت بەناونیشانی پێگەی ژینگەو پێویستی ژینگەپارێزی لە دیدی ئیسلامدا ساز دەکات    *****    *****   مامۆستا مەلا عبدالله سەرگەتی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   بە ئامادەبوونی سەرۆکی یەکێتی زانایان مەراسیمی بەخشینی بڕوانامەی زانستی لە قەزای شەقڵاوە بەڕێوە دەچێت    *****    *****   مامۆستا مەلا رێدیر مجید مزوری کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   یەکێتی زانایان: "داواکارین بارسووکی و کارئاسانی لە پرۆسەی هاوسەرگیری و مارەیی بکرێت"    *****    *****   كتێبخانه‌ی زانای ئایينی سەرۆکی لیژنەی فەتوا (مامۆستا عومه‌ری جه‌له‌ولا) پێشكه‌شی زانكۆ کرا    *****    *****   ئەنجومەنی باڵأی فەتوا: حوكمی ئه‌نجام نه‌دانی نوێژی هه‌ینی له‌ كاتی گه‌شت و سه‌یراندا روون دەکاتەوە    *****    *****   ئەمینداری ئەنجومەنی باڵای فەتوا بە نوێنەری یەکێتی زانایان بەشداری دوازدەهەمین کۆنگرەی تەسەوفی جیهانی لە تورکیا دەکات    *****    *****   یەکێتی زانایان سیمینارێک بەناونیشانی (ئازادی بیرو ڕاو پرسی هەڵگەڕانەوە لە دین) ساز دەکات    *****    *****   سەرۆکی یەکێتی زانایان سمینارێک بەناونیشانی (بنەماکانی پێکەوەژیان لە شەریعەتی ئیسلامدا) پێشکەش دەکات    *****    *****   بە بۆنەی بە پارێزگا بوونی شاری هەڵەبجە یەکێتی زانایان پەیامێک بڵاو دەکاتەوە    *****    *****   سەرۆکی یەکێتی زانایان بە یاوەری شاندێک؛ لقی سۆرانی یەکێتی زانایان بەسەر دەکاتەوەو دیدارێک لەگەڵ ستافی لق ساز دەکات   
شاندێکی باڵای ئەنجومەنی پیرانی موسڵمانان سەردانی مەکتەبی تەنفیزی یەکێتی زانایان دەکات
به‌رواری دابه‌زاندن: 18/01/2023 : 12:44:47
قه‌باره‌ی فۆنت

ئەمرۆ 18ی1ی2023 بەرێز د.عبدالله مەلا وەیسی سەرۆکی یەکێتی زانایان بە ئامادەبوونی مامۆستا مەلا جەلال خەیلانی جێگری سەرۆک و ئەندامانی مەکتەبی تەنفیزی و سەرکردایەتی و بەرپرس و کارگێرانی لقی هەولێری یەکێتی زانایان پێشوازیان لە شاندێکی باڵای ئەنجومەنی پیرانی موسڵمانان بەسەرۆکایەتی بەرێز د.محمد عبدالسلام ئەمێنداری گشتی ئەنجومەنەکە و شاندێکی یاوەری کرد.


سەرەتای دانیشتنەکە بەرێز د. عبدالله مەلا وەیسی بەناوی یەکێتی زانایانەوە بەگەرمی بەخێرهاتنی شاندەکەی کرد بۆ هەرێمی کوردستان و هەولێری پایەتەخت کە شاری ئاشتی و پێکەوەژیان و شارستانیەت و گەورە زانایان و بیری میانڕەوییە، هەروەها پوختەیەکی لە مێژوو و کارو چالاکی و هەنگاوەکانی یەکێتی زانایان لەرووی پیشەیی و پەیوەندی لەگەڵ جیهانی ئیسلامی و بەتایبەت مەشیخەی ئەزهەرو وڵاتی میسڕ خستەرڕوو، پەیوەندی نێوان کوردو میسڕو زانایانی کوردستان و ئەزهەری شەریفی وەک بەشێکی گرنگی مێژووی نێوان یەکێتی زانایان و گەورە زانایانی ئەزهەر وەسف کرد.


دواتر ئاماژەی بە رەوشی ئایینی لە هەرێم و کارو ئامانجی زانایان لە برەودان بە بیری میانڕەوی و یەکتر قبولکردن و بەستنی کۆنگرەو کۆنفرانستی زانست و هاوچەرخ و بایەخدان بە پرسی فەتواو هۆشیارکردنەوەی موسڵمانان لە بیری توندڕەوی کردو بە گرنگی زانی ئەم جۆرە پەیوەندی و هەماهەنگی و ئاگالێبوونە بۆ بەرژەوەندی موسڵمانان بەردەوام بێت، هەروەها باسی لەم پێکەوەژیانە کرد کە لە کوردستان هەیەو نمونەیەکی جوانی لێکەوتەی خزمەت و تێگەیشتنی زانایانی کوردە بۆ خزمەتی مرۆڤایەتی و کۆمەڵگە.


دواتر بەرێز د. محمد عبدالسلام ئەمینداری گشتی ئەنجومەنی پیرانی موسڵمانان سوپاسی پێشوازی گەرمی یەکێتی زانایانی کردو گوتی: لەدڵەوە خۆشحاڵم لە کوردستان و لە خزمەتی ئێوەدام، بۆ من شانازی و جێی سەرسامیەکی گەورەیە کە دەبینم کوردستان و شاری هەولێر بەم شێوەیە سەردەمیە پێشکەوتووە.


لە بەشێکی تری قسەکانی ئاماژە بە رۆڵ و کاریگەری ئەزهەر لە جیهانی ئیسلامی دا، کە بە حیکمەت و لێزانی و میانڕەوی لەسەرجەم بوارەکان کار دەکات و هەنگاو دەنێت، ئەنجومەنی پیرانی موسڵمانانیش بەشێکی ترە لە ئەزهەر کە شێخی ئەزهەر سەرپەرشتی دەکات و لە بورای مرۆیی و بڵاوکردنەوەی بیری میانڕەوی و دیالۆگ و پێکەوەژیان و لێکنزیکردنەوەی هزرو مەزهەبە جیاوەکان و لەخزمەتی موسڵمانان کار دەکات.


هەروەها گوتیشی: پەیوەندی زانایانی کورد لەگەڵ ئەزهەر بە گرنگ دەبینین و دڵنیام شێخی ئەزهەر رێزی تایبەتی بۆ رۆڵ و پێگەی ئێوە هەیە، چونکە زانایانی کورد لەناوچەکە خاوەن سەنگ و پێگەیەکی گەورەو کاریگەرن بەتایبەت بۆ پەیڕەوانی سووننە مەزهەب، بۆیە ئامادەبین بۆ هەر کارو هەنگاوێک لە چوارچێوەی خزمەتی ئیسلام و موسڵمانان بێت.


شایەنی باسە ئەنجومەنی پیرانی موسڵمانان بارەگای سەرەکی لە وڵاتی ئیماراتەو شێخی ئەزهەر سەرپەرشتی دەکات لە بواری مرۆیی و پێکەوەژیان و نەهێشتنی ناکۆکی و توندڕەوی کار دەکات و بە ئامانجی برەودان بە پەیوەندیەکان سەردانی هەرێمی کوردستانیان کردووەو بڕیار وایە چەند دام و دەزگایەکی فەرمی بەسەر بکەنەوە.