رۆژانی 15-17ی 4ی2025 بەرێز د.حسن خالد موفتی ئەندامی مەکتەبی تەنفیزی و ئەمینداری ئەنجومەنی باڵای فەتوا بە نوێنەرایەتی یەکێتی زانایان بەشداری کرد لە دوازدەهەمین کۆنگرەی تەسەوفی جیهانی، کە بە بەشداری نوێنەری بیست وڵات لە شاری یەلوای وڵاتی تورکیا بەناونیشانی (تەکنەلۆژیای ژمارەیی لە تەرازوی وەسەتیەتدا) بەرێوە چوو.
لەم کۆنگرەیە بەرێز د.حسن موفتی سەرپەرستی دانیشتنی دووەمی کۆنگرەیەکەی کردو توێژینەوەیەکی زانستی بەناونیشانی (مدى صَلوحيّة الهواتف الذكيّة ومواقع التّواصل الاجتماعي أن تؤدي دور صلة الرّحِم الشّرعية في عصرنا الحاضر - دراسة فقهية مستجدة-) پێشکەش کردو لە کۆتایی دانیشتنەکەش رێزلێنانی یەکێتی زانایانی بەخشیە بەرێز د.محمد عەجان ئەمینداری گشتی ئەکادیمیای جیهانی زانایانی وەسەتیەت لەهەمبەر بڵاو کردنەوەی بیری میانڕەوی لە جیهانی ئیسلامی و سازکردنی ئەم جۆرە کۆنگرە زانستیانە.
شایەنی باسە لەم کۆنگرەیە چەندین توێژینەوەی زانستی پێشکەش کران و لە رۆژی سێیەمی کۆنگرەکەش بەلاغی کۆتایی کۆنگرە خوێندرایەوە، کە تێیدا تەئکید لەوە دەکاتەوە ژیری دەستکرد چەکێکی دووسەرەیەو پێویستە بە وریایی مامەڵەی لەگەڵ بکرێت و لایەنە ئەرێنیەکانی وەربگیرێت و لایەنە نەرێنیەکانیشی فەرامۆش بخرێت، هەروەک باس لە پێویستی پابەندی مەزاهیبی ئیسلامی لەرووی فیقهو عەقیدەو حەدیسەوە کراو وابەستەیی بە رێبازی تەسەوفی راستەقینەو پارێزگاری لە ئاشتی کۆمەڵایەتی و یەکڕیزی موسڵمانان و پاڵپشتی ستەم لێکراوان بە تایبەتی خەڵکی غەززە جەختی لێ کرایەوە.
