ئەمرۆ 4ی6ی2024 بە ئامادەبوونی بەرێز د.عبدالله مەلا وەیسی سەرۆکی یەکێتی زانایان و ژمارەیەک لە ئەندامانی مەکتەبی تەنفیزی و سەرکردایەتی و ئەنجومەنی باڵای فەتواو زانایانی ئایینی و ئەکادیمی و نوسەرو مامۆستای زانکۆ؛ سیمینارێکی تایبەت لە بارەگای مەکتەبی تەنفیزی یەکێتی زانایان بە ناونیشانی (الجهل بین التقدیس والتأسیس- نەفامی لە نێوان پیرۆزکردن و بە دامەزراوەیی کردندا) بۆ بەرێز دکتۆر حسن محمد خۆشناو ئەندامی مەکتەبی تەنفیزی یەکێتی زانایان بەرێوە چوو.
ناوەرۆکی سیمینارەکە قسەکردن بوو لەسەر چەمکی جەهل و نەفامی لە چوارچێوەی خوێندنەوەیەکی فکری و باسکردنی رەهەندەکان ئەم پرسەو بەستنەوەی بە کۆمەڵێک خوێندنەوەی هاوچەرخ و پەیوەست بە تێڕوانینی ئایینی.
لایەکی تری سیمینارەکە خستنەڕووی پێناسەی جەهل و شێوازی جەهلی موقەدەس و جەهلی بە دامەزراوە کردن بوو، کە بەشێکی سیستەم و شێوازی بەرێوەبردنی وڵاتان مامەڵەی پێ دەکەن، چونکە بەشێکی ئەو وڵاتانە لە ژێر کاریگەری ئایینێک یان کلتورێک دان و جاری وایە بە لێدانەوەی هەڵە بۆ ئایین جەهل لەناو کۆمەڵگە بەرهەم دێت ئەمەش خاڵێکی مەترسیدارە.
شایەنی باسە لە کۆتایی سیمینارەکە ئامادەبووان بە پرسیارو سەرنج و تێبینی ناوەرۆکی سیمینارەکەیان دەوڵەمەند کردو لە چەند لایەکەوە شرۆڤەی پرسەکە کرا..
یەکێتی زانایانی ئایینی ئیسلامی کوردستان بە هاوبەشی راوێژکاری نازی منداڵان کۆڕبەندێکی زانستی بەناونیشانی (منداڵ ئایندەیە.. هەنگاوێک بەرەو گەشەپێدانی منداڵان) بەرێوە دەبات
