یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   گەورە زاناو کەسایەتی دیاری عیراق دکتۆر شێخ عبدالرزاق ئەلسەعدی سەردانی مەکتەبی تەنفیزی یەکێتی زانایان دەکات    *****    *****   سەرۆکی یەکێتی زانایان: وەفاتی زانای ناوداری کوردستانی رۆژهەڵات (مامۆستا مەلا سەید نورەدین واژی) کەلێنێکی گەورەیە بۆ هەموو زانایان    *****    *****   بە ئامادەبوونی سەرۆکی یەکێتی زانایان مەراسیمی بەخشینی بڕوانامەی زانستی لە سنوری ئیدارەی سەربەخۆی سۆران بەرێوە دەچێت    *****    *****   مامۆستا مەلا عبدالله  مصطفى حەمە کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   بە بەشداری نوێنەری یەکێتی زانایان و دانانی ئاڵای کوردستان کۆنفرانسی جیهانی ئەکادیمیای زانایانی تەسەوف لە ئەستەنبۆڵ بەڕێوە دەچێت    *****    *****   سەرۆکی یەکێتی زانایان لە قەتەر بەشداری پازدەهەمین کۆنگرەی دیالۆکی نێوان ئايینەکان دەکات    *****    *****   مامۆستا مەلا خەیری ئەحمەد رەشید وەک بەرپرسی نوێی لقی شێخانی یەکێتی زانایان هەڵبژێردرا    *****    *****   مامۆستا مەلا عەلی سیامێوەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   مامۆستا مەلا جەلال مەلا سالح هەڵەبجەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   مامۆستا مەلا عبدالرحمن قادر ڕوستایی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   مامۆستا مەلا فەتاحی شارستێنی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   مەکتەبی تەنفیزی یەکێتی زانایان پێشوازی لە سەرۆکی بۆردی باڵای وتاری هەینی و شاندێکی یاوەری دەکات   
منقول
به‌رواری دابه‌زاندن: 08/06/2023 : 00:48:27
قه‌باره‌ی فۆنت
یادێک بۆ حاجی مەلا ئەحمەدی سیوەیلی

 

 مامۆستا حەمید سیوەیلی

زاناو کەسایەتی ناوچەی سیوەیل وشارباژێڕ (حاجی ملا احمدی کوێخاشریف) .لەساڵی(١٩٣٤)لەگوندی گۆمڵێ لەدایک بووە، لەنێو شەش برادا هەڵبژاردەی باوکی بوو تاببێتە چرای ڕوناکی کوردوستان، لەگوندی (بێورێ)ولەخزمەت (حاجی ملاعزیزی بێورێ)دا، ساڵی(١٩٤٧) دەست بەناسینی پیتەکان دەکات و لەگوندی (ڕەشەکانی)و لەخزمەت (حاجی ملاعبداللەی شاناخسێ)دا قوڕئانی پیرۆز خەتم دەکا. پاشان بەرەوگوندی کوڕەداوێ وبۆخزمەت (حاجی ملاموستەففای کوڕەداوێ)ساڵی (١٩٤٩)درێژە بەخوێندن دەدات.

لێرەوە عیشقی زانستە ئیسلامیەکان بەرەو گوندی (چەمپاراو)خزمەت مامۆستاملا شێخ محی الدینی چەمپاراو ساڵی (١٩٥٠) بەڕێ دەکەوێت و بۆدرێژەدان بەزانست، بەڵام بەداخەوە دوای ماوەیەک بەهۆی دۆخی سیاسی یەوە بەفەرمانی مەڕحومی شێخ دێتەوە شاری سلێمانی ولەحوجرەکانی مزگەوتی گەورەو لەنێوگوڵاوی دینداری دا، درێژە بەخوێندن دەدات ،حوجرەکانی مزگەوتی کاک احمدی شێخ تونیەتی ناشکێنن بۆیە بڕیاردەدات وبەرەوشاری قەڵاومنارە ڕێگا دەگرێتە بەرو دواجار کۆیەی دڵگیردەبێتە جێ ژوانی عیلم وزانست بۆی ولەحوجرەی مزگەوتەکانی (ڕەشەوحەتک وپەڵک وجەلی زادە) درێژە بەخوێندن دەدات، لەخزمەت مامۆستا ملاحمیدی ملامحمود دەچێتە گوندی( کەڵکەسماق) وژیان وئەزموونی فەقێیەتی قوتابخانەی ئەدەب وزانست وپەروەردەی کۆمەڵایەتی دەکات. دواجارلەساڵی (١٩٦٠) ولەسەردەستی مەڕحوم جەنابی مامۆستا ملا عبدالڕحمانی داربەڕولەیی .ناسراوبە(ملاوڕەحمانی کۆڵ) بڕوانامەی زانستی وەردەگرێت و لەماوەی ساڵی (١٩٦٠)بۆ(٢٠٠٢) خزمەتی میحراب ومینبەردەکات. بەڵام مەخابن تێکچونی باری تەندروستی بواری نەدا تالەڕۆژی(٢٠٢١/٩/٢٠) ماڵ ئاوای لێ کردین وکۆچی دوای کرد.

مامۆستا شاعیرو ئەدەب دۆست وداناو شەرع زان ومیانڕەوبوو. پابەندی مەزهەبی شافیعی بوو ، سۆفی مەیدانی عیرفان ونەقشی نەقشبەندی بوو. ڕیش سپیەکی ڕێزلێ گیراوی ناوخزمانی گۆمڵێ وعەشیرەتی مەنمی وناوچەی سیوەیل وشارباژێڕ بوو، کەسایەتیەکی کوردپەروەرودڵسۆزێکی سەرڕاستی کوردوستان بوو ، پشتیوانێکی ماندونەناسی شۆڕش و پێشمەرگە بوو .

تا ئاواتی هاتەدی و لەکوردستانی ئازادکراودا ولەڕاپەڕینی بەهاری(١٩٩١) لەگۆڕستانی سەیوان ولەپاڵ شەهیدەکانی قڕگەد، لەگردبوونەوەیەکی جەماوەری دا کەبەبۆنەی هاتنی (نێچیرڤان ئیدریس بارزانی) سازکرابوو، لەسەرەتای ووتارەکەیدا مامۆستا بەم پارچەهۆنراوەی خۆی دەستی پێ کرد.

 سەد شوکور بۆخوا کەئێستا ڕوگەشم بەرزم ئەڵێم

ڕوبەڕووی دوژمن ئەوەستم پێی ئەڵێم بڕوانە کێم

ئەو کەسەم ئێستا ووڵاتم خاکی خۆمەو نیشتەجێم

وادەڵێم ئەی خاکی شیرین هاتمەوە بۆلات ودێم

هاتمەوە خزمەت بۆخزمەت کەس نەڵێ بێزارە کورد