دەزانم هەرلێرەوە وبەم عینوانە، کۆمەڵێک لەبەڕێزان خوێنەران و هەڵگرانی کاری مەلایەتی لەکوردوستان گازندەمان دەکەن، کاتێک پێیان وایە مەزهەب گەرایی خودی دواکەوتوویی وکۆنەپەرستییە .

 ڕای جیاوازە قەبوڵمە ،وەلێ تاسەرئێسقان متمانەم بەتەعبیری عینوانی خۆم هەیە، لەجیهانی فیکرو زانست ومەعریفەش دا لەجیهانی خزمەتگوزاری مرۆڤدا سەرکردەکان ،داناکان، زاناکان بۆلەبازاڕکردنی بەرهەمە زانستی ومەعریفی وفیکری وئەدەبیەکانیان ، ڕێڕەووڕێبازی دیاری کراویان هەبووە ولەنێوان دووهێڵی تەریبدا نەخشەی ڕێگایان عەرزکردووە تادواجار هەم سنوری کاری خۆیان بزانن وهەم عەوداڵانی فیکروزانست وئەدەب لەزیمنی ئەوهێڵەدا بەبێ لادان هەنگاوبنێن وسوود لەپێشینەکانیان وەربگرن .سوننەتی ژیانیش هەروانەقشکراوە بۆدووربوون لەفەوزاو شپرزەیی وبێسەروبەری .هەمووکارێکی سوودبەخش سنوروچوارچێوەی هەبووەوهەیە. لەکوێدا (کەس لەکەسی )و (من منم وتۆکێیی) بووبێ ئەواکۆمەڵگا کەوتۆتە کەناری نەزانی وگەرنەڵێم گومڕاییەوە.

لێرەوە دەچمە سەرمەبەست، دەستخۆشی لەیەکیەتی زانایانی ئاینی ئیسلامی کوردووستان دەکەم بۆهەنگاوی (هەوڵی یەک مەزهەبی )لەکوردستان وهاندانی پیادەکردنی لەلایەن زانایان ومەلای کوردەوە. گەرچی زۆردواکەوتوین ودەبووبەرلەسی ساڵ ئەم کارە بەگەرموو گوڕییەوە ئیشی بۆبکرایە . چونکە ئاشکرایە مەزهەبی ئیمامی شافیعی مەزهەبی نزیکه لەعەسری نبووەت وەلەسەرەتاوە کورد و زاناکانی کەم تا زورئاشنای سەرمەزهەب و مەزهەب و زانایانی قوتابی و شاگردانی ئیمامی شافیعی بوون .

ئەمەش وای کردبوو کەتاڕاددەیەکی باش کۆدەنگیەکی شایستە لەکوردوستان بوونی هەبووە ، پێوەری گەورەیی زاناومەلای کورد شارەزایی بووە لەمەزهەب نەک ڕەتکردنەوە تا ئاستی بێ ئەدەبی کردن بەنێوی ئەمەی من شتی تردەزانم ودواجار بەنەخوێندەواریش بەرانبەر ڕەئی زانایانی مەزهەبی شافیعی وبەکەم سەیرکردنی مەلایانی کوردوستان لای هەندێ کۆلکە خوێندەوار بووبووەنەریت ،وئازائەوکوڕەیە پێچەوانەی مەزهەب ونەریت وعورفی زانستی ئەسپ تاوداوناویشی بنێ (فەتوا).

 ئەمەلەکاتێکدا لەسەرجەم وڵاتانی جیهانی ئیسلامی بەدەوڵەتی سعودییەو (الحرمین) یشەوە مەزهەب واجبە وپابەندن پێیەوە . بۆیە لەکوردووستاندا وەک چل ساڵ لەمەوبەرپێویستە بەهەوڵ وهیممەتی (زانایانمان) ڕۆڵی یەک مەزهەبی بگەڕێندرێتەوە مەجلیسە عیلمییە شەرعییەکان و هەرمامۆستاو مەلاو بانگخوازێک خۆی بەدڵسۆزی شەریعەت دەزانێ کاری لەسەربکات و وەکو لەتۆمارێکی دەنگی شێخ بن بازدا گوێم لێ بووە (مەزهەبداری واجبە تالەڕاڕایی وتەفرەقە پارێزراوبین ) .