یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   مامۆستا مەلا شێخ عابد کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   مەکتەبی تەنفیزی یەکێتی زانایان پێشوازی لە بەڕێوەبەری گشتی سامانی ئاژەڵ و ڤێتێرنەری دەکات    *****    *****   بە ئامادەبوونی سەرۆکی یەکێتی زانایان دیدارێکی تایبەت بە رۆژی جیهانی رووبەڕوو بوونەوەی وتاری رقەبەری بەڕێوە دەچێت    *****    *****   مامۆستا مەلا زبێر شێخە لاسەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   یەکێتی زانایان: داوا لە حاجیان دەکەین قوربانیەکانیان لە کوردستان ئەنجام بدەن    *****    *****   مامۆستا مەلا عەلی حەمە ڕەسول گێڵدەرەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   دکتۆر عرفان رەشید سەرۆکی ئەنجومەنی باڵای فەتوای حەج: رۆژانە لە خزمەتی حاجیان داین و کارەکانمان بە رێکو پێکی بەرێوە دەچێت    *****    *****   یەکێتی زانایان سیمینارێکی تایبەت بە ناونیشانی (نەفامی لە نێوان پیرۆزکردن و بە دامەزراوەیی کردندا) بەرێوە دەبات    *****    *****   سەرۆکی یەکێتی زانایان بە یاوەری شاندێک لە شاری سلێمانی چەند دیدارو سەردانێک ئەنجام دەدات    *****    *****   مەکتەبی تەنفیزی یەكێـتی زانایان پێشوازی لە بەڕێوەبەری گشتی چاكسازی كۆمەڵایەتی دەکات    *****    *****   بە ئامادەبوونی سەرۆکی یەکێتی زانایان مەراسیمی بەخشینی بڕوانامەی زانستی لە پیرمام بەرێوە دەچێت    *****    *****   مامۆستا مەلا ئەحمەد خاروکی تەرمەکەی دۆزرایەوەو یەکێتی زانایان پرسەو هاوخەمی خۆی بۆ خانەوادەکەی رادەگەینێت   
مه‌لا ئیدریس ژاڵه‌یی- كه‌لار
به‌رواری دابه‌زاندن: 15/09/2010 : 13:39:28
قه‌باره‌ی فۆنت
ڕازی خواحافیزی
خوات له‌گه‌ڵ ڕه‌مه‌زانی پیرۆز، ئه‌مجا كاتی دامه‌زراوی‌و به‌رده‌وام بونه‌
مانگی ڕه‌مه‌زان بارگه‌وبنه‌ی پێچایه‌وه‌و به‌جێ‌ی هێشتین پاش ئه‌وه‌ی شۆڕشێكی خواپه‌رستی‌وخێركردن‌ولێبڕانی تێدا دروست كردین، بازاڕێكی گه‌رم بوو بۆبه‌ده‌ستهێنانی ڕه‌زامه‌ندی په‌روه‌ردگار، با لێره‌دا پێكه‌وه‌ به‌خۆمانا بچینه‌وه‌‌وهه‌ڵوێسته‌یه‌ك بكه‌ین شه‌ن‌وكه‌ویكی كاره‌كانمان بكه‌ین، چیمان كرد ‌و چیمان بۆ مایه‌وه‌ ؟ بۆنمونه‌ سه‌یر كه‌ له‌نا‌وچوار وه‌رزه‌كه‌ی ساڵدا كه‌ به‌هار دێت ئاو ‌و ئاوه‌دانی‌وگه‌شه‌و به‌ره‌كه‌ت له‌گه‌ڵ خۆیدا ده‌هێنێت، پاشان كه‌ به‌هار ئۆغرده‌كِات له‌پاش خۆی خێرات‌و پیت‌و به‌رهه‌می ئه‌وتۆ به‌جێده‌هێڵێت كه‌به‌درێژایی ساڵه‌كه‌ سودی لێوه‌رده‌گیرێت ، مانگی ڕه‌مه‌زانیش به‌هه‌مان شێوه‌یه‌ له‌ناو دوانزه‌ مانگه‌كه‌كه‌دا، ئیمان به‌هێز بوون‌ودڵنه‌رمی‌وقورئانخوێندن‌وشه‌‌ونوێژوبه‌زه‌یی هاتنه‌وه‌و ڕه‌حمه‌تی پێ‌به‌خشین، كه‌سانی خواپێداو ئاوا به‌هره‌ له‌م مانگه‌ پیبرۆزه‌ وه‌رده‌گرن، به‌ڵام به‌داخه‌وه‌ سنفێك له‌ خه‌ڵك هه‌ركه‌ ڕه‌مه‌زان ته‌شریف ده‌بات یه‌كسه‌ر پاشه‌‌وپاش له‌سه‌وزایی‌وگوڵزاری به‌هاری ڕه‌مه‌زانه‌‌وه‌ ڕوو له‌بیابانی ووشك‌وبرینگی دڵڕه‌قی‌وجه‌فاوه‌ت ده‌كه‌ن، ئه‌مانه‌ پێیان ده‌وترێت به‌نده‌ی كات‌وبۆنه‌كان-عباد المواسم- له‌باره‌ی ئه‌م جۆره‌ كه‌سانه‌وه‌ پرسیاریان له‌ پیاوچاك‌وبۆخواسوڵحاو - بشری حافی-كرد فه‌رمووی :، ئه‌و جۆره‌ كه‌سانه‌ هیچ ئیستیفاده‌یه‌كیان نه‌كرد، ده‌گه‌ڕێنه‌وه‌ سه‌ر له‌خوا نه‌ترسان و هه‌ست نه‌كردن به‌چاودێری په‌روه‌ردگار، سه‌ر خو‌وڕه‌وشته‌ ناپه‌سه‌نده‌كان، باله‌خۆمان بپرسینه‌وه‌ ئایا ئایا ئێمه‌ له‌و سنفه‌ین یان له‌وانه‌ی كه‌ ڕه‌مه‌زان‌وبه‌رهه‌می ڕۆژوو له‌ناو خوێن‌و ڕۆحمان گه‌شه‌ی كرد‌وهه‌رده‌م خه‌ریكی چه‌شتنی به‌روبومه‌كانی خواپه‌رستی‌وئیخڵاسی مانگی ڕه‌مه‌زانین؟ ، ده‌گێڕنه‌وه‌ پیاوچاكانی پێشینمان شه‌ش مانگ له‌ دوای ڕه‌مه‌زان له‌خوای په‌روه‌ردگار ده‌پاڕانه‌وه‌ كه‌ خوا په‌رستی ڕه‌مه‌زانیان لێ‌ قه‌بوڵ فه‌رموو بێت، دروشمیشیان ئه‌م فه‌رمایشته‌ی ئیبنوو مه‌سعود -ڕه‌زای خوای لێبێت- بووه‌ كه ‌ده‌فه‌رمی" من علامات القبول للصيام والقيام ان يكون حال العبد بعد الصيام افضل من حاله قبل الرمضان " سه‌یری ته‌فسیری پێغه‌مبه‌ری پێشه‌وامان_- بۆ ئه‌م ئایه‌ته‌ پیرۆزه‌ی قورئان بكه‌، عائشه‌ –- ده‌فه‌رموێت عه‌رزم كرد ئه‌ی پێغه‌مبه‌ری خوا –- ئه‌م ئایه‌ته‌ پیرۆزه‌ كه‌ ده‌فه‌رموێت: { وَالَّذِينَ يُؤْتُونَ مَا آتَوا وَّقُلُوبُهُمْ وَجِلَةٌ أَنَّهُمْ إِلَى رَبِّهِمْ رَاجِعُونَ }، مه‌به‌ستی ئه‌و كه‌سانه‌یه‌ كه‌كاری خراپه‌ ده‌كه‌ن ‌وله‌گه‌ڵ ئه‌وه‌شدا هه‌ر له‌خوا ده‌ترسن، فه‌رمووی نه‌خێر " لا يا أبنة صديق ولكنهم الذين يصلون ويصومون ويتصدقون وهم يخافون ان لايتقبل منهم" پێویسته‌ پارێزگاری له‌مه‌كاسب‌و به‌رهه‌مه‌كانی مانگی ڕه‌مه‌زان بكه‌ین، پارێزگاریكردنیش له‌م ده‌سكه‌وتانه‌ به‌ به‌رده‌وام بوون‌ودامه‌زراوی ده‌بێت، ئه‌گه‌ر له‌پاش ره‌مه‌زان ئیستقامه‌ نه‌بوو وه‌كو كاری كه‌سێك ده‌بێت كه‌ له‌ ژیانیدا به‌هه‌وڵ‌وماندوو بوونی زۆر ده‌وڵه‌مه‌ندی‌و سامانێكی زۆر پێكه‌وه‌ ده‌نێت، به‌ڵام له‌كۆتاییدا گرنگی به‌كاروبارو بازرگانیه‌كه‌ی نادات ده‌رگای قاسه‌و گه‌نچینه‌كانی ده‌خاته‌ سه‌رپشت، دزو جه‌رده‌ هه‌موو سامانه‌كه‌ی له‌ناو ده‌به‌ن هیچی بۆ نامێنێته‌وه‌ ده‌كه‌وێته‌ سه‌ر ساجی عه‌لی، چونكه‌ پارێزگاری نه‌كرد له‌ده‌ستكه‌وته‌كانی، كه‌سانێك له‌م مانگه‌ پیرۆزه‌ پڕ قازانجه‌دا خێرو پاداشتێكی زۆریان كۆ كردۆته‌وه‌ ئه‌گه‌ر به‌ پاسه‌وانی ئیستیقامه‌ت پارێزگاری لێ‌ نه‌كه‌ن، وه‌به‌ قوفڵی به‌رده‌وامبوون ده‌رگاكانی دانه‌خه‌ن ‌وله‌ صندوقی استمراریه‌ت دا قایمی نه‌كه‌ن ئه‌وا ڕه‌نجه‌كه‌یان با ده‌یبات‌و خوا په‌ نا بدات هیچیان بۆ نامێنێته‌وه‌ ، نمونه‌ی ئه‌و كه‌سه‌ی له‌دوای ڕه‌مه‌زان نوێژو مزگه‌وت‌وقورئان‌وخێروچاكه‌ی له‌بیرده‌چێته‌وه‌ ‌و ڕوو ده‌كاته‌گوناه ‌وبێ‌ فه‌رمانی خوای په‌روه‌ردگار وه‌كو ئه‌و كاسبكاره‌ وایه‌ كه‌ هه‌رده‌م كاسبی ده‌كات به‌ڵام، باخه‌ڵ‌وكیسه‌ی پاره‌كه‌ی كونایه‌، كرده‌ی ئه‌و‌و برده‌ی بایه‌، خوای په‌روه‌ردگارئیستیقامه‌و دامه‌زراویمان پێ‌ ببه‌خشێت.

*وتارخوێنی مزگه‌وتی شه‌هید ئیبراهیم