یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   مامۆستا مەلا شێخ عابد کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   مەکتەبی تەنفیزی یەکێتی زانایان پێشوازی لە بەڕێوەبەری گشتی سامانی ئاژەڵ و ڤێتێرنەری دەکات    *****    *****   بە ئامادەبوونی سەرۆکی یەکێتی زانایان دیدارێکی تایبەت بە رۆژی جیهانی رووبەڕوو بوونەوەی وتاری رقەبەری بەڕێوە دەچێت    *****    *****   مامۆستا مەلا زبێر شێخە لاسەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   یەکێتی زانایان: داوا لە حاجیان دەکەین قوربانیەکانیان لە کوردستان ئەنجام بدەن    *****    *****   مامۆستا مەلا عەلی حەمە ڕەسول گێڵدەرەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   دکتۆر عرفان رەشید سەرۆکی ئەنجومەنی باڵای فەتوای حەج: رۆژانە لە خزمەتی حاجیان داین و کارەکانمان بە رێکو پێکی بەرێوە دەچێت    *****    *****   یەکێتی زانایان سیمینارێکی تایبەت بە ناونیشانی (نەفامی لە نێوان پیرۆزکردن و بە دامەزراوەیی کردندا) بەرێوە دەبات    *****    *****   سەرۆکی یەکێتی زانایان بە یاوەری شاندێک لە شاری سلێمانی چەند دیدارو سەردانێک ئەنجام دەدات    *****    *****   مەکتەبی تەنفیزی یەكێـتی زانایان پێشوازی لە بەڕێوەبەری گشتی چاكسازی كۆمەڵایەتی دەکات    *****    *****   بە ئامادەبوونی سەرۆکی یەکێتی زانایان مەراسیمی بەخشینی بڕوانامەی زانستی لە پیرمام بەرێوە دەچێت    *****    *****   مامۆستا مەلا ئەحمەد خاروکی تەرمەکەی دۆزرایەوەو یەکێتی زانایان پرسەو هاوخەمی خۆی بۆ خانەوادەکەی رادەگەینێت   
مه‌لا ئیدریس ژاڵه‌یی- كه‌لار
به‌رواری دابه‌زاندن: 14/04/2011 : 12:47:33
قه‌باره‌ی فۆنت
قه‌تڵوعامی به‌ناو ئه‌نفال برینێكه‌ ته‌نها به‌ ته‌بایی‌ویه‌كڕیزی ساڕێژ ده‌بێت
له‌مانگی(شوبات) هه‌تا(ئه‌یلولی) ساڵی 1988ڕژێمی به‌دناو ‌وله‌ناوچوی به‌عس له‌ عێراق له‌ پرۆسه‌یكی سه‌ربازی بێ‌ وێنه‌دا زیاتر له‌(4500) گوندی ئاوه‌دانی كوردستانی به‌ مزگه‌وت‌و ته‌كیه‌و خانه‌قاكانه‌وه‌ خاپور كرد، هه‌موو كێڵگه‌و له‌وه‌رگه‌و باخه‌كانی سوتاند نزیكه‌ی 200هه‌زار كه‌س له‌ ژن‌وپیاو منداڵ‌وپیر‌ولاوكه‌هموویان مه‌ده‌نی‌وهاوولاتی‌ودانیشتووی ناو ماڵ‌وگونده‌كانی خۆیان بوون هه‌موویانی ڕاپێچ كرد به‌ره‌و مه‌عه‌سكه‌ر‌وزیندانه‌كان سه‌ره‌نجام به‌ره‌و نوگره‌ سه‌لمان‌وله‌گۆڕه‌ به‌كۆمڵه‌كان زینده‌ به‌چاڵی كردن كه‌ته‌نها چه‌ند كه‌سێَكی كه‌میان به‌زیندوی گه‌ڕانه‌وه‌كه‌ ئه‌وانیش له‌ كۆمه‌ڵگه‌ زۆره‌ ملێكاندا تووشی خه‌مۆكی‌وتێكچونی باری ده‌رونی هاتن . ڕژێمی به‌عس بۆیه‌ ناوی (ئه‌نفال)ی بۆ ئه‌م پرۆسه‌ خوێناوییه‌ هه‌ڵبژارد تاوه‌كو ئه‌م قڕكردنه‌ بداته‌ پاڵ ئیسلام‌وقورئانی پیرۆز هه‌روه‌ها شه‌رعیه‌ن بدات به‌ پرۆسه‌كه‌و خۆڵیش بكاته‌ چاوی جیهانی ئیسلامی‌و ڕایگشتی جیهانی بێ‌ ده‌نگ بكات ، شایانی باسه‌ ناولێنان له‌ فه‌رهه‌نگی به‌عس ‌وسه‌رۆكه‌كه‌یدا سیاسه‌تێكی هه‌میشه‌یی‌و به‌رده‌وام بوو، هه‌ركار‌وپرَۆژه‌یه‌ك كه‌خزمه‌تگوزاری بووایه‌ ناوی خۆی‌و حیزبه‌كه‌ی لێده‌نا وه‌كو: مستشفى صدام- حى البعث-مدينة الثورة-سد صدام-نهر القائد، وه‌ بۆكاره‌ دزێو‌و كاولكاریه‌كانی كه‌ زۆربه‌ی كاره‌كان بوون ئه‌و ناوانه‌ی لێ‌ ده‌نان كه‌ له‌لای ئه‌و خه‌لكه‌ پیرۆز‌و جوانن، بۆ ئه‌وه‌ی هه‌م بێزراو‌و ناشیرینیان بكات، هه‌م له‌ پاڵیاندا خراپه‌كاریه‌كانی په‌نا بدات، قه‌تڵ‌و عام‌و كیمیابارانی گه‌لی كوردی موسڵمانی به‌ ئه‌نفال ناو ده‌نا، ئه‌و ڕۆكێته‌ی ئێرانی شیعه‌ مه‌زهه‌بی پێ‌ بۆردومان ده‌كرد ناوی (الحسین)‌و(العباس)ی لێده‌نا، ده‌زگای تۆقاندن‌و سیخوری به‌ (منڤمه‌ الفاروق) ناوده‌نا، سه‌ربازگه‌ی ترسناك ‌وجێگه‌ی ته‌حقیق‌و كوشتاری مرۆڤی ناوده‌نا (خالد بن ولید)، هه‌موو كه‌سێكی به‌ویژدان ده‌زانێت به‌هیچ شێوه‌یه‌ك ڕوای هه‌ق نیه‌ ئه‌و كاولكاریانه‌ به‌و ناوه‌ پیرۆزانه‌ ناو بنرێت، به‌تایبه‌ت پرۆسه‌ی قه‌تڵوعام كردنی میله‌تی كورد به‌ناوی ئه‌نفال، كه‌ سوره‌تێكی قورئانی پیرۆزه‌‌و جیاوازییان وه‌كو ئاسمان‌و ڕێسمانه‌، چه‌ند غه‌درێكی گه‌وره‌یه‌ له‌ قورئان‌و له‌ گه‌لی كورد كراوه‌، كاتێك ئه‌وناوه‌ پیرۆزه‌ به‌سه‌ر ئه‌و كاولكاری‌و كوشتوبڕه‌ی سه‌ر گه‌لی كوردا سه‌پێنراوه‌، پرۆسه‌ی سه‌ربازی به‌ناو(ئه‌نفال) یان ترسناكترین جینۆسایدی سه‌ده‌ی بیسته‌م هێنده‌ شوم ‌و كاره‌سات هێن بووكه‌به‌ زمان ده‌رنابڕێت‌و، به‌نوسین ته‌عبیری لێ‌ ناكرێت، مه‌گه‌ر ته‌نها ئه‌وانه‌ی به‌ركه‌وتووی پرۆسه‌كه‌ بوون بزانن سام‌و ترسی ئه‌و كارساته‌ چه‌نده‌ مه‌ی كوڕانی ئه‌‌و ڕۆژگاره‌ كه‌ دیمه‌نه‌كانی چۆنێتی جێبه‌جێكردنی ئه‌و شاڵاوه‌مان به‌چاوه‌كانی خۆمان بینیوه‌، به‌بیركه‌وتنه‌وه‌ی ئه‌م كاره‌ساته‌ هه‌ست‌و ناخمان دێته‌ جۆش‌و خرۆش، له‌یادی ئه‌مساڵیشدا روو ده‌كه‌مه‌ هه‌مووان، به‌تایبه‌ت سه‌ركرده‌ خه‌مخۆره‌كان، حیزبه‌ سیاسیه‌ تێكۆشه‌ره‌كان، تاك ‌و كه‌سایه‌تیه‌ كاریگه‌ره‌كان، دڵنیام به‌ ئه‌زمونی ته‌مه‌نی ڕابوردو تازه‌تان، ده‌زانن كه‌ ناحه‌ز‌و دووژمنانی گه‌له‌گه‌مان له‌پێناوی دژایه‌تی كردن‌و زه‌وت كردنی مافه‌كانمان یه‌كبه‌ره‌‌و یه‌كده‌نگن، تكایه‌ ئێوه‌ش له‌ پێناوی پارێزگاری كردن له‌ ناوی پیرۆزی كوردستان، پارێزگاری له‌یه‌كگرتووی ماڵی كورد بكه‌ن، ئه‌گه‌ر ده‌تانه‌وێت برینی كورد قڕانی به‌ناو ئه‌نفال ساڕێژ ببێت، ئه‌گه‌ربه‌ڕاستی ده‌تانه‌وێت فرمێسكه‌ گه‌رم‌و ناشاده‌كان ووشك ببنه‌وه‌ ئه‌وا ته‌نها به‌ ته‌بایی‌و یه‌كڕیزی ، به‌لێبوردن‌و لێكگه‌یشتن ده‌كرێت، دووا جار ده‌ڵێم ئه‌گه‌ر وانه‌كه‌ن ئه‌وا هه‌تا هه‌تایه‌ گه‌لی سته‌مدیده‌ی ئه‌نفال‌وكیمیا باران نا ئومێد‌ودڵڕه‌نجاو ده‌كه‌ن.

تێبینی: بۆ ئه‌م بابه‌ته‌ سوودم له‌ كۆڕێكی به‌ڕێِز مامۆستا عه‌بدولره‌حمان سدیق وه‌رگرتووه‌.

*ووتارخوێنی مزگه‌وتی شه‌هیدئیبراهیم له‌ ڕزگاری