یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   سەرۆکی یەکێتی زانایان کۆمەڵێک نامەی پیرۆزبایی بە بۆنەی جەژنەوە پێ دەگات    *****    *****   یەکێتی زانایانی ئایینی ئیسلامی کوردستان پەیامێکی پیرۆزبایی بە بۆنەی جەژنی رەمەزانی پیرۆز بڵاو دەکاتەوە    *****    *****   مامۆستا مەلا صلاح أحمد تەرخانی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   سەرۆکی یەکێتی زانایان بە پێشکەشکردنی پانیڵێک بەشداری کۆنفرانسی گفتوگۆی بازنەیی تایبەت بە پرسی بەشداری ئافرەت لە کایەی سیاسیدا دەکات    *****    *****   سەرۆکی یەکێتی زانایان: پێکەوەژیان خواستێکی ئایینیەو پێویستە هەمووان رێزی لێ بگرین    *****    *****   سەرۆکی یەکێتی زانایان: هەڕەشەو بێڕێزیکردن بەرامبەر مامۆستایانی ئایینی قابیلی قبوڵ نیە    *****    *****   لقی سۆرانی یەکێتی زانایان کۆدەبێتەوە چەند پرسێک گەنگەشە دەکات    *****    *****   لقی رانیەی یەکێتی زانایان کۆبوونەوەی ئاسایی خۆی ئەنجام دەدات و چەند پرسێک تاوتوێ دەکات    *****    *****   کونسوڵی گشتی فەرەنسا لەهەرێمی کوردستان سەردانی مەکتەبی تەنفیزی یەکێتی زانایان دەکات    *****    *****   دكتۆر شێخ تەها ئەحمەد ئەلزەیدی  ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   دكتۆر شێخ تەها ئەحمەد ئەلزەیدی ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   ئەنجومەنی باڵای فەتوا: ڕێژه‌ی زه‌كات و سه‌رفیتره‌و فیدیه‌ی ساڵی 1445هـ = 2024م دیاری دەکات   
ئازاد محمد به‌رگركه‌یی
به‌رواری دابه‌زاندن: 14/10/2020 : 16:18:53
قه‌باره‌ی فۆنت
لاوازبونی پەیوەندیە کۆمەڵایەتیەکان
بەئاستێکی وا پەیوەندیە کۆمەڵایەتیەکان سست ولاواز بون کەبوەتە جێی داخ وهەڵوەستە لەسەر کردن،چونکە کاتێ پەیوەندی تاکەکان و خێزان وکۆمەڵگەش بەگشتی نامێنێ ئیتر هیچ بایەخ وبەهاو ئەرزشێک بۆمرۆڤەکان نامێنێتەوە بنچینەو ئەساسیاتی مرۆڤەکان هاودەمی و بەدەمەوە یەکەوەبون و تێکەڵی و تەواوکردن وپشت گرتنی یەکترە مرۆڤ سروشتی وایە ناتوانێ بەتەنێ هەڵبکات بگوزەرێنی بەڵکو کائینێکی کۆمەڵاتیە لەسەر کوڕڕەی زەوەی مرۆڤ نابینیەوە کامیل وتەواو بێ پێویستی بەکەس نەبێ چونکە سیفەتی سەمەدیەت و بێ نیازبون لەخەڵک تەنهاسیفەتی خوایە.
مرۆڤ دوێنێ وپێر درکی تەواوی بەم ڕاستیەیە کردبوو بۆیە بەتەواوی ڕەچاوی ئەم حاڵەی کردبو هاوکاری و بەدەمەیەکەوەبون و یارمەتیدان وکاری هەرەوەزی شتێکی دیارو گرینگ و بەرچاوی نێو کۆمەڵگەبوو،بەڵام ئیمڕۆ بەهۆی دونیای مۆدێڕنەو تەکنەلۆجیاو شۆشیال میدیاوە،ئەم حاڵەتە بەرەو کەمبونەوەو کاڵبونەوە ئەڕوات،هەمووشمان کەم تازۆر درکمان بەو ڕاستیە کردوە کە زیانێکی زۆرمان کردوە گەر واش بڕوا زیانی زیاترە کەین وئەبێ باجێکی قوڕس بدەین،ئەبێ هەزار خۆزگە بەدوێنێ بخوازین کە هەرەوەزی وهاوکاری وتەبایی وجیرانەتی و کۆڕو دانیشتن و بەرو مەجلیسی وشەوان وپەندی پێشینان وقسەی نەستەق وگێڕانەوەی چیڕۆکی واقیعی و بایەخ و ڕاواجێکی زۆرو کلتورو داب ونەریتێکی دیاری جوانی نێو کۆمەڵگە بوو.
تا پەیوەندیە کۆمەڵایەتیەکان توندو تۆڵ وتکمەبوون،هیچ شتێ یاخود هیچ بەڵایێ گران نەبوو،چونکە کاتێ ئەزانرا یەکێ لەشوێنێ زامدار بوە یاخود توشی بەڵاباری و خەفەتێ بوەتەوە دەورو بەر بەگشتی وخزم وکەس بەتایبەتی لێی کۆئەبونەوەو باری قوڕسیان لەسەر شان سوکەکردو هاوکارو هاودەم و خەمخۆرو هاوخەمی ئەبون وبۆی ئەبون بەبەربەست ودینگەو کۆڵەگەیەکی بەهێزو ڕێگە نادرا کەسەکە بڕوخێ ولەناو خەمەکە بتڵێتەوەو داڕمێ،ئەم هەستە قوڵەشیان هەڵقوڵاوی ناخی ئیسلام بوو،ئای ئەوکاتانە چەندە خۆش بوو ژیان چ تام وبۆو چێژێکی سحراوی هەبوو کاتێ لەتەواوی بۆنەکان ئەبینرا هەرکەسەو سینی وخوانچەو مەجمەی خۆی لەسەر سەروشانی دائەناو بەرەو مزگەوت یاخود ماڵی خاوەن بۆنەکە ئەچون زۆر بەڕونی هەست بەدڵسۆزی وبرایەتی و خەمخۆری ئەکرا،دوایش ئەم سفرەو خوانە ئەڕازێنرایەوەبە بەجۆری جیاو هەمەڕەنگی شیوو خواردنی کوردەواری وفۆڵکلوری وبەشێوەی چێشتی مجێۆر ئاسا خۆی ئەنواند.
ئێستا نەک لەسەر ئاستی کۆمەڵگا بەڵکو لەسەر ئاستی خێزانیش ئەم پەیوەندی ولێک نزیکیە زۆر کرچ وکاڵ بۆتەوەو لەئاستێکی زۆر نزم دایە،شارەزایان پسپۆڕانی کۆمەڵناسی هۆشیاری ئەدەن لەسەر ئەوەی گەربێت و بەرنەگیرێ و ئاوا بڕوا بۆچەند ساڵێکی تر هیچ بەناوی خێران و کۆمەڵایەتی نامێنێتەوەو خێزان بەتەواوی لەبەر یەک هەڵەوەشێتەوە،ئیمڕۆ ئەگەر جیهان ببوێتە گوندێکی بچوک بەهۆی ئینتەر نێتەوە بەڵام خودی ماڵی هەر یەکێکیشمان بوەتە جیهانێکی گەورەو بەربڵاو کوا لێک پرسین و ئاگا لێک بون،کوا دانیشتن و نان خواردنی پێکەوەیی،کوا یەکتر دواندن و ناز هەڵگرتنی یەکتر،مرۆڤ بەتەنها ئەتۆقێ باری خەم وخەفەتی ژیان نابا ئەبێ دڵسۆزێکی هەبێ کەسێکی هەبێ گوێی بۆبگرێ نازی هەڵگرێ پشت وپەنای بێ،گەر بێت ومرۆڤ تەواوی شتەکان لەناخی خۆی بهێڵێتەوە شەکواو سکاڵا نەباتە بەر کەس ڕازو نیاز لای کەس نەدرکێنی،شەق ئەبات و ئەمرێت،بۆیە زۆر گرینگە بەدەمەوە یەکەوە بین وبرەو بایەخی زیاتر بەڕۆحی برایەتی و تەبایی و پەیوەندیە کۆمەڵایەتیەکان بدەین.