یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   لقی گەرمیانی یەکێتی زانایان بە هەماهەنگی بەرێوەبەرایەتی گشتی پۆلیسی گەرمیان سەرپەرشتی پرۆژەی پێشکەش کردنی سیمینار لەناو چاکسازییەکان دەکات    *****    *****   مەکتەبی تەنفیزی یەکێتی زانایان پێشوازی لە وەزیری ئەوقاف و کاروباری ئایینی دەکات    *****    *****   یەکێتی زانایانی ئایینی ئیسلامی کوردستان بە بۆنەی هاتنەوەی جەژنی پیرۆزی قوربان پەیامێکی پیرۆزبایی بڵاودەکاتەوە    *****    *****   د.حسن پشدەری: سوپاس بۆ خوا بەرنامەی رێکمان داناوەو بەردەوامیش لە خزمەت حاجیان داین بۆ وڵامی پرسیارو پێدانی بەرچاوڕوونی ئەرکەکانی فەریزەی حەج    *****    *****   لقی چەمچەماڵی یەکێتی زانایان پیرۆزبایی لە یەکێتی نیشتمانی دەکات    *****    *****   لقی چەمچەماڵی یەکێتی زانایانی لقی ۱۹ ی پ.د.ک بەسەر دەکاتەوە    *****    *****   یەکێتی زانایانی ئایینی ئیسلامی کوردستان بە هاوبەشی راوێژکاری نازی منداڵان کۆڕبەندێکی زانستی بەناونیشانی (منداڵ ئایندەیە.. هەنگاوێک بەرەو گەشەپێدانی منداڵان) بەرێوە دەبات    *****    *****   مامۆستا مەلا ديدار شێخانی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   مامۆستا مەلا عبدالله بێستانەیی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   یەکێتی زانایان سیمینارێکی تایبەت بەناونیشانی (چەمکی حاکمیەت – مفهوم الحاکمیە) ساز دەکات    *****    *****   یەکێتی زانایان لەبارەی پشووی هاوینەو خولەکانی فێرکردنی قورئانی پیرۆز پەیامێک ئاراستەی زانایان دەکات    *****    *****   کۆبوونەوەی فراوانی ئاسایی یەکێتی زانایان لە شاری هەولێر بەرێوە دەچێت و چەند پرسێکی گرنگ تاوتوێ دەکرێت   
 هەواڵ 

مەلا عبدالله شێرکاوەیی
به‌رواری دابه‌زاندن: 22/04/2021 : 21:33:18
قه‌باره‌ی فۆنت
راگەیاندن لەنێوان بەرداشی دوێنێ و فەیسەوانی ئەمڕو!

وێڕای ئەوەی راگەیاندن لە ئیسلامدا پێگەو گرنگی خۆی هەیە، لەهەمان کات بنەماو رێسای تایبەت و پەیام و ئامانجی هەمەلایەنەی لە چوارچێوەی خزمەتکردنی مرۆڤ و کۆمەڵگەو بەرژەوەندی نێوانیان دیار کردووە.

بەدرێژایی مێژووی مرۆڤایەتی و شارستانیەت راگەیاندن رۆڵ و ئامادەیی و کاریگەری خۆی هەبووە، بەڵام بە شێوازو ئالیەت و تەکنیک و ئاست و  جەمسەری جۆراوجۆرو جیاواز.

لە ئێستادا راگەیاندن لەڕووی تەکنیک و بەهۆی تەکنەلۆژیاوه لە ئەوجی پێشکەوتن دایەو خەریکە هەژموون و داینەمۆی راگەیاندن لەم چەرخدا لەدەستەڵاتی چوارەمەوە بەرەو یەکەم و دووەم دێت! تا ئەوەی میدیای بینراوو و ئەلیکترۆنی جێگەی رۆژنامەگەری خوێندراو بیستراوی گرتۆتەوەو بەجۆرێک لە جۆرەکانیش پێناسەی رۆژنامەنووسی لێڵ و ئاڵۆز کردووەو فەزاکەی زۆر جار کردۆتە فەوزاو سەر ئێشە، بەهۆی تۆڕە کۆمەڵایەتیەکان و نەبوونی سانسۆڕ، زۆربەی خەڵک خۆی لێ بۆتە رۆژنامەنووس و پسپۆڕو سیاسەتوان و رەخنەگر!

بەڵام لە ڕووی ناوک و ناوەڕۆک و بابەتیەوە نەک نەگەیشتۆتە ئەو ئاستە، بگرە زیاتر نمایش و رووکەش و بێ پلانی و ئامانجی پێوە دیارەو لە نێو قەیرانی وابەستەیی و بێ تفاقی و گریمانەی کێبڕکێی بردنەوەو زاڵبوون تووشی شڵەژانێکی گەورە هاتووە، زۆرێک دەزگای ئیعلامی گەمەیە لەسەر روداوە سادەکانی رۆژ نەک ئاراستەکردنی کۆمەڵگە بۆ ئەو ئامانجە گەورانەی نەتەوە بۆی تێدەکۆشێ.

راگەیاندنی کوردی لەهەردوو باڵی ئورگانی و لایەنداری دەرنەچووە، دەزگایەکی ئیعلامی نەتەوەیی و نیشتمانی و گشتیت دەست ناکەوێ، کە رەنگدانەوەی هەموو دەنگ و رەنگە جیاوازەکان و خاوەن پرۆژەی ستراتیژی گەل و وڵات بێت، ئەوەی هەیە زیاتر زمانحاڵی و هەواڵی و سیاسی و کەرەستەی رۆژن..!!

ئێستا لەناو ئەو جەنجاڵیەی هەیە، کۆی پرۆسەی راگەیاندن پێویستی بەخۆداچوونەوەیەکی ریشەیی و هەمەلایەنەو گشتی لەسەر بنەمای کاراترکردنی یاسا پەیوەستەکان و بەهێزکردنی پێوەرو ئەزموونی پیشەیی و پاراستنی ئیتیکی رۆژنامەوانی و بەنیشتمانیکردنی میدیاو قورتابوون لە ململانێ...هتد هەیە. باشترین بژاردەو هەنگاو بۆ سازکردنی ئەو زەمینەیە، ئەکتیڤکردنی یاساو دیارکردنی پێناسەو دامەزراندنی دەزگایەکی باڵای پیشەیی نیشتمانی تایبەت بە راگەیاندنە.

لە ساڵیادی رۆژی رۆنامەگەری کوردی دەستخۆشیم بۆ هەموو ئەوانەی لە مەجالی راگەیاندن کارو هەنگاوی باش و بەسوود بۆ خەڵک و خاک بڵاو دەکەنەوەو دەیانەوێ بە روئیاو پرۆژەی بونیاتنەر خزمەتی کوردستان بکەن.