یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   گەورە زاناو کەسایەتی دیاری عیراق دکتۆر شێخ عبدالرزاق ئەلسەعدی سەردانی مەکتەبی تەنفیزی یەکێتی زانایان دەکات    *****    *****   سەرۆکی یەکێتی زانایان: وەفاتی زانای ناوداری کوردستانی رۆژهەڵات (مامۆستا مەلا سەید نورەدین واژی) کەلێنێکی گەورەیە بۆ هەموو زانایان    *****    *****   بە ئامادەبوونی سەرۆکی یەکێتی زانایان مەراسیمی بەخشینی بڕوانامەی زانستی لە سنوری ئیدارەی سەربەخۆی سۆران بەرێوە دەچێت    *****    *****   مامۆستا مەلا عبدالله  مصطفى حەمە کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   بە بەشداری نوێنەری یەکێتی زانایان و دانانی ئاڵای کوردستان کۆنفرانسی جیهانی ئەکادیمیای زانایانی تەسەوف لە ئەستەنبۆڵ بەڕێوە دەچێت    *****    *****   سەرۆکی یەکێتی زانایان لە قەتەر بەشداری پازدەهەمین کۆنگرەی دیالۆکی نێوان ئايینەکان دەکات    *****    *****   مامۆستا مەلا خەیری ئەحمەد رەشید وەک بەرپرسی نوێی لقی شێخانی یەکێتی زانایان هەڵبژێردرا    *****    *****   مامۆستا مەلا عەلی سیامێوەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   مامۆستا مەلا جەلال مەلا سالح هەڵەبجەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   مامۆستا مەلا عبدالرحمن قادر ڕوستایی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   مامۆستا مەلا فەتاحی شارستێنی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   مەکتەبی تەنفیزی یەکێتی زانایان پێشوازی لە سەرۆکی بۆردی باڵای وتاری هەینی و شاندێکی یاوەری دەکات   
مەلا عبدالله شێرکاوەیی
به‌رواری دابه‌زاندن: 23/06/2010 : 17:08:44
قه‌باره‌ی فۆنت
ماڵپه‌ڕی یه‌كێتی زانایان بۆ ؟
له‌ مێژه‌ گله‌یی نه‌بوونی ماڵپه‌ڕێكی وه‌ك پێویست له‌ یه‌كێتی زانایان ده‌كرێت، كه‌ بۆ تا ئێستا نه‌توانراوه‌ ئه‌و ده‌زگایه‌ سایتێكی تایبه‌ت‌و ده‌وڵه‌مه‌ندی هه‌بێت.؟! زۆرێكیش له‌و گله‌ییانه‌ سه‌رچاوه‌ له‌ دڵسۆزیه‌وه‌ ده‌گرن، چونكه‌ مامۆستایانی به‌ڕێزی ئایینی هه‌میشه‌ ده‌یانه‌وێ‌ ڕۆڵی ئه‌و ده‌زگا ئایینیه‌ له‌ پێشه‌وه‌ بێت‌و به‌ جموجۆڵێكی هاوچه‌رخانه‌ هه‌نگاو بنێت.
ئێستا ئه‌و ماڵپه‌ڕه‌ی یه‌كێتی زانایان كه‌وته‌ كارو ئامانجیه‌تی به‌ نیسبه‌تێكی باش‌و به‌ پله‌ی یه‌كه‌م خزمه‌تی مامۆستایانی ئایینی بكات‌و وه‌ك چۆن ئه‌درێسی زانایانی هه‌ڵگرتووه‌، به‌هه‌مان شێوه‌ بۆ زانایانیش ده‌بێت.
ئه‌و ماڵپه‌ڕه‌ ده‌یه‌وێ‌ پردێكی به‌هێز بێت له‌ نێوان زانیاری تازه‌و خوێنه‌رانی‌و ماڵێكیش بێت بۆ هه‌مووان، له‌گه‌ڵ ئه‌وه‌شدا جێگه‌ی خۆشحاڵیه‌كی زۆره‌‌و چاوه‌ڕێی شتی زۆریشی لێ‌ ده‌كرێت، به‌ڵام ئه‌وه‌ش ده‌خوازێ‌ هه‌موومان پێكه‌وه‌ كاری له‌ پێناودا بكه‌ین‌و له‌ بابه‌ت‌و هه‌واڵ‌و زانیاری گرنگ‌و په‌یوه‌ست به‌ بواری خۆیه‌وه‌ بێ‌ به‌ش نه‌بێت‌و تێیدا پشكدار بین.
گرنگی سایت له‌وه‌دایه‌، كه‌ وه‌ك ناوه‌ندێكی هه‌واڵ‌و زانیاری خاڵی په‌یوه‌ندی نێوان خوێنه‌رانی ده‌بێ‌، به‌تایبه‌تی ئه‌و مامۆستا ئایینیه‌ به‌ڕێزانه‌ی خوێنه‌ری سایتن، ئه‌و هه‌نگاوه‌ وا ده‌كات مامۆستایانی ئایینی پتر بایه‌خ به‌ ئینته‌رنێت بده‌ن‌و له‌ زانیاری تازه‌ بێ‌ به‌ش نه‌بن، ئه‌ركیشه‌ له‌ كوێی هه‌ر سایتێكدا بابه‌تێك یان هه‌واڵێك، كه‌ پێچه‌وانه‌ی ئیسلام‌و موقه‌دده‌ساتی موسڵمانان ده‌نووسرێت، له‌و ماڵپه‌ڕه‌ وڵام بدرێته‌وه‌.
بۆیه‌ چه‌نده‌ مامۆستایانی ئایینی گرنگی به‌ نوسین‌و هه‌ناردنی بابه‌ت بده‌ن، هێنده‌ زیاتر ئه‌و ماڵپه‌ڕه‌ به‌ره‌و پێشه‌وه‌ ده‌چێت‌و ده‌توانێ‌ خۆی ده‌وڵه‌مه‌ند ببینێته‌وه‌، یاخود ئه‌و ته‌وه‌رانه‌ی به‌ پێویست ده‌زانرێ‌ قسه‌‌و به‌دوا داچو‌ونیان له‌سه‌ر بكرێت، تێیدا ڕوون بكرێنه‌وه‌‌و له‌و شوێنانه‌ی پێویست به‌ هه‌ڵوێست ده‌ربڕینیش ده‌كات، خۆی لێ‌ لانه‌دات‌و به‌ په‌ڕی واقعیانه‌وه‌ مامه‌ڵه‌ی كێشه‌‌و ڕووداوه‌كان بكات.
جارێكی دیكه‌ش ده‌ڵێم سایت ئه‌و كه‌ناڵه‌یه‌، كه‌ مامۆستایانی ئایینی به‌ڕێز بتوانن كاری تێدا بكه‌ن‌و بیكه‌ن به‌ پێگه‌یه‌كی به‌رچاوو له‌ بڵاوكردنه‌وه‌ی زانیاری‌و هۆشیاری پێویست‌و هه‌ستی ئاینپه‌روی‌و نه‌ته‌وه‌په‌روه‌ری.
Sherkaway83@gmail.com