یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   زاناو کەسایەتی دیاری کوردستان مامۆستا مەلا محمد شەڵماشی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   مەکتەبی تەنفیزی یەکێتی زانایان پێشوازی لە شاندی گەورە زانایانی ئەزهەری شەریف دەکات    *****    *****   سەرۆک بارزانی پێشوازی لە شاندی باڵای زانایانی ئەزهەر دەکات    *****    *****   مامۆستا مەلا مسعود حسێن غەزالی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   دیداری زەڵمی لە شاری هەولێر بەرێوە دەچێت و سەرۆکی یەکێتی زانایان لەم دیدارە وتارێک پێشکەش دەکات    *****    *****   سەرۆکی هەرێمی کوردستان ڕایگەیاند، دکتۆر مستەفا زەڵمی، خاوەن دیدێکی چاکسازیی قووڵ بووە و، لەسەر ڕێگەکەی بۆ دادپەروەریی کۆمەڵایەتی و پاراستنی مافەکانی مرۆڤ بەردەوام دەبن.    *****    *****   دەقی وتاری سەرۆکی یەکێتی زانایانی ئایینی ئیسلامی کوردستان لە دیداری د.مستەفا زەڵمی    *****    *****   مامۆستا مەلا شەریف سەعید کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   بە ئامادەبوونی سەرۆکی یەکێتی زانایان مەراسیمی بەخشینی بڕوانامەی زانستی لە شاری هەولێر بەرێوە دەچێت    *****    *****   سەرۆکی یەکێتی زانایان پێشوازی لە شاندێکی باڵای گەورە زانایانی ئەزهەری شەریف دەکات    *****    *****   د.أنس محمد شەریف ئەندامی مەکتەبی تەنفیزی یەکێتی زانایان بەشداری پانێڵێکی تایبەت بە بەرەنگاری توندوتیژی دژ بە ئافرەتان دەکات    *****    *****   مەکتەبی تەنفیزی یەکێتی زانایان پێشوازی لە شاندێکی زانایانی لقی گەرمیانی یەکێتی زانایان دەکات   
 هەواڵ 

د. جەعفەر گوانی
به‌رواری دابه‌زاندن: 18/10/2012 : 12:11:32
قه‌باره‌ی فۆنت
چەواشەكردنی خەڵك لەسەر پڕۆژەی پاراستنی پیرۆزییە ئاینیەكان

لەم نووسینە مەبەستم ئەوە نییە باسی باشی‌و خراپی دەرچوونی ئەم یاسایە بكەم، هەروەك مەبەستیشم نییە باسى باشی‌و خراپی ئەم پڕۆژەیە بكەم، بەڵام مەبەستم یەك شتە، كە ماوەیەكە لە رێگەی رادیۆ‌و تیڤیەكانەوە، گوێم لە كەسانێك دەبێت، كە ئەندامی پەرلەمانی كوردستانن، یان نووسەر‌و رۆشنبیرن، یان هەر كەسێكن، دەڵێن: پێویستمان بەم پڕۆژەیە نییە، چونكە ئەم سزایانە لە یاسای سزادانی عێراقی هاتووە.

ئەم قسەیە جگە لە چەواشەكردن‌و شێواندن هیچ مانای دیكەی نییە، بەم قسانە دەیانەوێت خۆڵ بكەنە چاوی خەڵك، چونكە تاكو ئێستا ئەوانەی سوكایەتیان بە پیرۆزییەكان كردووە، بەشی هەرە زۆری ئەوانەبوونە، كە بە چەند نووسینێك خۆیان خزاندۆتە ناو سلكی رۆژنامەنووسان، یان ئەم كارە پیرۆزەی رۆژنامەنووسیان قۆستۆتەوە، تا لێیەوە تانە‌و تەشەرەی سوكایەتی (نەك زانستی‌و خوێندنەوەی بابەتیانە) لە ئیسلام بگرن، ئەوانەش بە هیچ شێوەیەك ناتواندرێت بە یاسای سزاكانی عێراقی دادگایی بكرێن، چونكە یاسای تایبەت بە خۆیان هەیە‌و، لەوێوە بڕیاریان لەسەر دەدرێت، كە سزایەكی ئەوەندە ئاسانە، كەمترین كەسی پێ ناگەڕێتەوە.

ئەگینا با بێن كار بە یاسای سزادانی عێراقی بكرێت، من یەكەم كەسم بە ئاشكرا لەسەر تەلەفزیۆن‌و لە رادیۆ‌و لە ناوەندی شەقام دژی دەركردنی هەر یاسایەك دەوەستمەوە، كە باسی پاراستنی پیرۆزییەكان بكات، چونكە هەر یاسایەك دەربكرێت، وەك ئەوەی سزادانی عێراقی نییە، ئەگەر نا، هیوادارم چیدیكە بەم قسانە خەڵك چەواشە نەكەن، چونكە ئەگەر پشت بە یاسای سزادانی عێراقی ببەسترێت، دەبێ‌ یاسای رۆژنامەگەری هەموار بكرێتەوە.