یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   پەیامی پیرۆزبایی سەرۆکی حکومەتی هەرێمی کوردستان بۆ یادی لەدایکبوونی پێغەمبەری ئیسلام محەمەد ( دروودی خوای لە سەر بێت)    *****    *****   سەرۆکی هەرێم پەیامێکی پیرۆزبایی بە بۆنەی مەولودەوە بڵاو دەکاتەوە    *****    *****   سەرۆکی حکومەتی هەرێمی کوردستان بەشداری لە یادی لەدایکبوونی پێغەمبەری ئیسلام دەکات    *****    *****   به‌یاننامه‌ی یه‌كێتی زانایانی ئایینی ئیسلامی کوردستان به‌ بۆنه‌ی له‌دایكبوونی پێغه‌مبه‌ر(درودی خوای له‌سه‌ر بێت)    *****    *****   هەولێر: بە ئامادەبوونی سەرۆکی یەکێتی زانایان مەراسیمی بەخشینی بڕوانامەی زانستی بەڕێوە دەچێت    *****    *****   د.عیرفان رەشید ئەندامی مەکتەبی تەنفیزی بەشداری شەشەمین دیداری یەکێتی زانایانی تورکیا دەکات    *****    *****   شاندێکی باڵای یەکێتی زانایان سەردانی هەردوو بەرێوەبەری گشتی ئەوقافی هەولێرو بەرێوەبەرایەتی حەج و عومرە دەکات    *****    *****   سەرۆكی ئەنجوومەنی باڵای فتوا: زیادبوونی كورسییەكانی كورد دڵخۆشكەرە    *****    *****   دیوانی پارێزگای هەولێر: بە ئامادەبوونی سەرۆکی یەکێتی زانایان کۆبوونەوەیەک بۆ ئامادەکاری پێشوازی مانگی مەولود بەرێوە دەچێت    *****    *****   سەرۆکی یەکێتی زانایان لەشاری هەولێر بەشداری مەراسیمی بەخشینی بڕوانامەی زانستی دەکات    *****    *****   پرسە و هاوخەمی    *****    *****   مامۆستا مەلا محمد ئەمین هێرۆیی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات   
د. جەعفەر گوانی
به‌رواری دابه‌زاندن: 03/04/2011 : 14:35:17
قه‌باره‌ی فۆنت
به‌رده‌ركی سه‌رای ئازادی هێوركه‌نه‌وه‌
باشی‌و خراپی خۆپیشانده‌ران كاریگه‌ری نه‌رێنی به‌سه‌ر مامۆستایانی ئایینیشه‌وه‌ بوو، رۆژنامه‌ی چاودێر پێی وایه‌ تازه‌ مونافه‌سه‌‌و شه‌ری مه‌لایان ده‌ستی پێكرد، به‌ڵام دنیایه‌ك سوپاس بۆ مامۆستا محه‌مه‌د نه‌سروڵا‌و مامۆستا مه‌لحه‌م، ئه‌و خه‌ونانه‌یان پوكانده‌وه‌، كه‌ شه‌ری مامۆستایانی ئایینیان پێخۆش بوو.

بگره‌ ئه‌و خیتابه‌ كاریگه‌ری به‌سه‌ر وتاری هه‌ینیشه‌وه‌ هه‌بووه‌، بۆیه‌ هه‌ندێك جار وتاره‌كان كاریگه‌ری لایه‌نی سیاسی به‌سه‌ر وتار‌و قسه‌كانه‌وه‌ هه‌بووه‌، هه‌ر یه‌كه‌‌و به‌ پێی بیركردنه‌وه‌ی سیاسی خۆی، كه‌ هه‌ندێك جار خۆیان له‌ قه‌ره‌ی ته‌ماشاكردنی دادپه‌روه‌رانه‌ نه‌داوه‌.

بۆیه‌ تا چیتر ئه‌و جیاوازییه‌ كۆمه‌ڵگا شه‌ق نه‌كات‌و، به‌ره‌و چه‌ند له‌تی نه‌بات، پێویسته‌ ئه‌و دۆخه‌ی سلێمانی هێور بكرێته‌وه‌، كه‌ پێم وایه‌ ئه‌و گفتوگۆیانه‌ی ئێستاكه‌ هه‌ن هه‌نگاوێكی ئیجابییه‌، ده‌سته‌ڵاتدارانی هه‌رێمیش وتاره‌كانیان شتی باشی تێدا بووه‌، به‌ڵام دۆخه‌كه‌ هێور نابێته‌وه‌، تا ئه‌و قسانه‌ نه‌كرێنه‌ كردار‌و، خه‌ڵك به‌ چاوی خۆی هه‌نگاوه‌كانی چاكسازی نه‌بینێت، بۆیێ‌ پێویسته‌ حكومه‌ت، كه‌ باوكی میلله‌ته‌ له‌ جیاتی ده‌ستگیركردنی مامۆستایانی ئایینی هه‌ر زوو ده‌ست بكات، به‌ چه‌ند هه‌نگاوێكی كرده‌یی بۆ ئه‌وه‌ی چیتر ئه‌و له‌تبوونه‌ په‌ره‌ نه‌سێنێت‌و، ئه‌و خه‌ڵكه‌ی به‌رده‌ركی سه‌رای ئازادی سلێمانیش له‌ نێو ئه‌و دۆخه‌ ناخۆشه‌ نه‌مێننه‌وه‌‌و، ژیان بگه‌ڕێته‌وه‌ دۆخی ئاسایی خۆی.

مامۆستایانی ئایینیش هیوادارین هه‌ر به‌و گه‌وره‌ییه‌ بیربكه‌نه‌وه‌‌و، نه‌هێڵن، كه‌س (جا هه‌ر لایه‌نێك بێت) بۆ مه‌رامی سیاسییان به‌كار بهێنێت‌و، خه‌ریكی ره‌د‌و ره‌دكاری بن، كه‌ ده‌ره‌نجام هه‌ر خۆمان زه‌ره‌ر ده‌كه‌ین.