یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   قەداسەتی پاتریاک مار ئاوای سێیەم پاتریاکی کەنیسەی رۆژھەڵاتی ئاشووری لەجیھان پەیامێکی پیرۆزبایی بە بۆنەی مەولود ئاراستەی سەرۆکی یەکێتی زانایان دەکات    *****    *****   یه‌كێتی زانایان به‌ بۆنه‌ی مانگی مەولودو له‌دایكبوونی پێغه‌مبه‌ر(درودی خوای له‌سه‌ر بێت) پەیامێک بڵاو دەکاتەوە    *****    *****   یەکێتی زانایان: لەگەڵ پرۆژە پێشنیاری هەمواری یاسای باری کەسی عیراق نین    *****    *****   یەکێتی زانایانی بۆ یەکەمین جار لەسەر ئاستی وڵاتانی ئیسلامی قورئان بە زمانی ئاماژە بۆ نابیستان لە مەراسیمێکدا بڵاو دەکاتەوە    *****    *****   مامۆستا مەلا حەمەئەمین سەراوی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   یەکێتی زانایانی ئایینی ئیسلامی کوردستان و قەداسەتی پاتریاک مار ئاوای سێیەم پاتریاکی کەنیسەی رۆژھەڵاتی ئاشووری لەجیھان ديدارێک ئەنجام دەدەن    *****    *****   سەرۆکی یەکێتی زانایان سەردانی سەرۆکی فەرمانگەی رێکخراوە ناحکومیەکانی هەرێم دەکات    *****    *****   مەکتەبی تەنفیزی یەکێتی زانایان کۆدەبێتەوە چەند پرسێکی گرنگ تاوتوێ دەکات    *****    *****   یەکێتی زانایانی ئایینی ئیسلامی کوردستان و بەرێوەبەرایەتی گشتی چاکسازی مەراسیمێکی رێزلێنان بۆ 58 زانایانی ئایینی ساز دەکەن    *****    *****   مامۆستا شێخ جەلال بەرزنجی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   مامۆستا مەلا حسن دوگۆمانی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   شاندێکی باڵای ئەنجومەنی روحانی ئێزیدی لەسەر سوکایەتیەکانی قاسم شەشۆ سەردانی مەکتەبی تەنفیزی یەکێتی زانایان دەکات   
د. جەعفەر گوانی
به‌رواری دابه‌زاندن: 15/04/2011 : 11:22:43
قه‌باره‌ی فۆنت
په‌یامی زانایانی ئایینی په‌یامی هومێده‌
cefergwani@gmail.com


له‌ ته‌له‌فزیۆنی سپێده‌ی له‌ به‌رنامه‌ی (ئه‌مرۆی سپێده‌)دا، له‌ یادی كاره‌ساتی ئه‌نفال دكتۆره‌ عالیه‌ فه‌ره‌ج ده‌یگووت: مامۆستایانی ئایینی ده‌توانن رۆڵێكی زۆر كاریگه‌ر ببینن، بۆ ئه‌وه‌ی ئه‌و خانه‌واده‌یانه‌ زیاتر به‌ره‌و ژیانێكی ئاسایی بچنه‌وه‌‌و، لایه‌نی رۆحیان ببووژێته‌وه‌.

زۆر راسته‌ ئه‌ركی وتاربێژان‌و مامۆستایانی ئایینییه‌، هه‌تا بلوێت ژیان بۆ خه‌ڵك ئاسایی بكه‌نه‌وه‌، رۆح بخه‌نه‌وه‌ به‌ر گه‌نج‌و پیر‌و لاوه‌كان، بێ‌ ئومێدی‌و دووره‌ژیانی بره‌وێننه‌وه‌، ره‌شبینی‌و تاریكبینی له‌ هه‌ستی گه‌نجانمان دوورخه‌ینه‌وه‌، به‌ كه‌س‌و كاری ئه‌نفالكراوه‌كان بڵێن: ئاسووده‌ بن، كه‌سه‌كانتان شه‌هیدن‌و، پشت به‌ خوا ئێستا له‌ فیرده‌وسی ئه‌علا دان، ئێوه‌ش له‌ كوردستان سه‌ربه‌رزن‌و، وه‌كو هه‌ڵگورد ناز به‌سه‌ر هه‌موو دنیا ده‌كه‌ن، هه‌رچه‌نده‌ خزمه‌تتان بكرێت، هێشتا هه‌ر هه‌ست به‌ شه‌رمه‌زاری ده‌كرێت، چونكه‌ قوربانییه‌كانی ئێوه‌ ئه‌وه‌نده‌ مه‌زن بوون، مه‌گه‌ر له‌ توانای هیچ مرۆڤێكه‌ قه‌ره‌بوویان كاته‌وه‌، بكوژه‌كانیشتان هه‌ندێكیان شێت‌و، هه‌ندێكیان به‌ره‌و دۆزه‌خی ئه‌به‌دی به‌رێكران، هه‌ندێكیشیان به‌ په‌تی سێداره‌وه‌ هه‌ڵواسران‌و، هه‌ندێكیشیان هێشتا له‌ ناو قه‌فه‌سی دادگاییكردندان.

به‌ڵێ‌، مامۆستای ئایینی ده‌بێ‌ ئومێد بڵاوبكاته‌وه‌، بۆ ئه‌و ژنه‌ی خه‌ریكه‌ له‌ ژین بێ‌ ئومێد ده‌بێت‌و، بریاری داوه‌ له‌ په‌نای په‌رێمس‌و به‌نزیندا خۆی بسووتێنێت، ژیان‌و وره‌ بخاته‌وه‌ به‌ر جه‌سته‌ی ئه‌و گه‌نجه‌ی هومێدی به‌ ژین نه‌ماوه‌‌و، له‌سه‌ر به‌رزاییه‌ك وه‌ستاوه‌، یان گوولله‌یه‌كی بۆ خۆی كریوه‌، ئه‌و ئیختیاره‌ی دوای تێپه‌ربوونی ته‌مه‌نی درێژی پر توانا‌و به‌كاری، وا ده‌زانێت، تازه‌ ئه‌و، له‌ ناو خانه‌واده‌‌و كۆمه‌ڵگاكه‌ی، حسێبی فلسێكی بۆ ناكرێت، پێویسته‌ له‌به‌رامبه‌ر مزگه‌وته‌وه‌ هومێدی به‌جه‌سته‌ بخرێته‌وه‌.
ئه‌و خانه‌وادانه‌ی، بریاریانداوه‌ یه‌كتر بكوژن، یه‌كتر قبوڵ نه‌كه‌ن، شه‌ر‌و ئاریشه‌ بۆ یه‌كتری بهێننه‌وه‌، مامۆستای ئایینی ئاوی خۆشه‌ویستییان له‌ نێو ده‌رشێنێ‌‌و، تۆوی ئاشته‌واییان له‌ نێو ده‌چێنێ‌.

به‌ كورتی په‌یامی وتاربێژان‌و مامۆستایان‌و زانایانی ئایینی ده‌بێ‌ بریتی بێت له‌ (ئومێد، خۆشه‌ویستی، ئاشتی، برایه‌تی، پێكه‌وه‌ژیان) نا بۆ (رق، دووبه‌ره‌كی، شه‌ر، ئاژاوه‌،فه‌ساد، خواردنی به‌ ناهه‌ق، گه‌نده‌ڵی). ئه‌نفالكراوه‌كانیش شه‌ره‌فی ئه‌وه‌یان پێ‌ به‌خشرا پێشی زۆر له‌ خاوه‌نانی شه‌ونوێژ‌و خواناسان به‌ره‌و فیرده‌وس بچن.