یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   سەرۆکی یەکێتی زانایان: هەڕەشەو بێڕێزیکردن بەرامبەر مامۆستایانی ئایینی قابیلی قبوڵ نیە    *****    *****   لقی سۆرانی یەکێتی زانایان کۆدەبێتەوە چەند پرسێک گەنگەشە دەکات    *****    *****   لقی رانیەی یەکێتی زانایان کۆبوونەوەی ئاسایی خۆی ئەنجام دەدات و چەند پرسێک تاوتوێ دەکات    *****    *****   کونسوڵی گشتی فەرەنسا لەهەرێمی کوردستان سەردانی مەکتەبی تەنفیزی یەکێتی زانایان دەکات    *****    *****   دكتۆر شێخ تەها ئەحمەد ئەلزەیدی  ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   دكتۆر شێخ تەها ئەحمەد ئەلزەیدی ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   ئەنجومەنی باڵای فەتوا: ڕێژه‌ی زه‌كات و سه‌رفیتره‌و فیدیه‌ی ساڵی 1445هـ = 2024م دیاری دەکات    *****    *****   یەکێتی زانایانی ئایینی ئیسلامی کوردستان بەبۆنەی هاتنەوەی مانگی پیرۆزی رەمەزان پەیامێکی پیرۆزبایی بڵاودەکاتەوە    *****    *****   مامۆستا مەلا ياسين چیوەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   لقی شقلاوەی یەکێتی زانایان پێشوازی لە شاندێکی وەزارەتی ئەوقاف و میوانان دەکات    *****    *****   لقی شێخانی یەکێتی زانایان لەگەڵ لێژنەی فەتوا کۆبوونەوەیەکی پەیوەست بە مانگی رەمەزان ساز دەکات    *****    *****   لقی هەڵەبجەی یەکێتی زانایان لەپێشوازی مانگی پیرۆزی ڕەمەزاندا مەراسیمێک ساز دەکات   
د. جەعفەر گوانی
به‌رواری دابه‌زاندن: 29/03/2020 : 14:39:31
قه‌باره‌ی فۆنت
ئایین لە قۆناخی دوای کۆڕۆنا

ئێستا کە پەتایەکی گەورەی وەك کۆڕۆنا بەرۆکی دونیای گرتووەو چۆکی پێداوە، قسەو باسی زۆر دەربارەی قۆناغی دوای کۆڕۆنا دەکرێت، ئەمەش لە هەموو بوارێکەوە، لەوانەش کۆمەڵێك نووسەر قسە لە بواری ئایین لە دوای کۆڕۆنا دەکەن. گومان لەوەدا نییە هەموو شتێك گۆڕانێکی بەسەر دێت، بەڵام قسەکە ئەوەیە ئەم گۆڕانانە چەندە لە جەوهەری شتەکان دەدەن، یاخود چەندە شتەکان بۆ جەوهەری راستەقینە دەگێڕنەوە، ئەگەر مەبەست لە ئایین ئیسلام بێت، پێموایە دەکەوێتە بەشی دووەم، چونکە لەگەڵ هاتنی ئەو پەتایە –جگە لە کەمە بانگخوازێك کە کەوتبوونە ژێرکاریگەری گوتاری ئایینی بەشێکی عەرەبی، ئەو پەتایەیان بە سەربازو تۆڵەی خودا دژی چین دانا- ئەوانەی دیکە چ لەسەر ئاستی تاك و چ لەسەر ئاستی دەزگا هەموویان لە یەکەم ساتەوە بابەتەکەیان بۆ گۆڕەپانی زانستی پزیشکی هێشتەوە لەگەڵ پابەندبوونی تەواو بە رێنمایی و رێکارە پزیشکییەکان، بۆیە ئەم پەتایە هیچ کاریگەری نەرێنی بۆسەر ئیسلام وەکو خۆی نابێت، لەکاتێکدا بە وردی دۆخی چارەسەری دایە دەست مەیدانی زانست، هەروەها شوێنکەوتووانیشی لە رووی ئەخلاقییەوە هاندا هاوکاری خەڵك بن، تا گەیشتە ئەوەی بە ژمارەیەکی زۆرەوە بەشداربوون لە هاوکاری هەژاران و دروستکردنی نەخۆشخانەو تەواوی پێداویستییەکان.

بە کورتی پێویستی رۆحی و ئەخلاقی مرۆڤایەتی بۆ ئایین وەکو خۆی بگرە بەهێزتر دەمێنێتەوە، بەڵام دایدەماڵێت لەو فیکرەو بۆچوونە خوڕافیانەی نەخۆشی و رووداوەکانیان بە چاوێکی بچووك و تەسك تەفسیردەکردنەوە. بەپێچەوانەوە پرسیار لەسەر ئەو سیستەم و کۆمەڵگایانە دروست دەبێت کە کەوتنە داوی دزینی ماسکەکان و دابەشکردنی مرۆڤەکان بۆ گەنج و پیر، پیرەکانیان فڕێدان و دەرگایان بە رووی گەنجان کردەوە، رۆحی ئەنانیەت و خۆ بەگەورەزانین خێگای گیانی هاوکاری و هەماهەنگی گرتەوە، کە ئەمە لە (دین)ەوە بەهیچ شێوەیەك جێگای نابێتەوە. ئەوەش مانای وایە پرسیاری (ئەخلاق) لەسەر ئەو سیستەمانە دروست دەبێت نەك لەسەر ئایین.