یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   سەرۆکی یەکێتی زانایان سنوری ئیدارەی سەربەخۆی زاخۆ بەسەر دەکاتەوەو سیمینارێک لەزانکۆی زاخۆ پێشکەش دەکات    *****    *****   مامۆستا مەلا عبدالرحمن عبدالله پێنجوێنی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   روبه‌ڕووبوونه‌وه‌ی تیرۆر به‌ر له‌وه‌ی ئه‌ركێكی ئایینی بێت بووه‌ته‌ ئه‌ركێكی مرۆڤایه‌تی    *****    *****   لقی شارەزووری یەکێتی زانایان کۆبوونەوەی ئاسایی خۆی ئەنجام دەدات    *****    *****   لقی شەقڵاوەی یەکێتی زانایان دیداری زانستی هەفتانەی زانایانی ئایینی ئەنجام دەدات    *****    *****   لقی هەولێری یەکێتی زانایان بەشداری کردنەوەی مزگەوتی مەلا ساڵح کۆزەپانکەی لەشاری ھەولێر    *****    *****   شاندێکی لقی کۆیەی یەکێتی زانایان بەشداری کردنەوەی مزگەوتێک دەکات    *****    *****   شاندێکی لقی ئاکرێی یەکێتی زانایان سەردانی بەرێوەبەرایەتی هاتوچۆی ئاکرێ دەکات    *****    *****   لقی زاخۆی یەکێتی زانایان کۆدەبێتەوەو چەند پرسێک تاوتوێ دەکات    *****    *****   لقی هەڵەبجەی یەکێتی زانایان بەشداری هەڵمەتێکی خوێن بەخشین دەکات    *****    *****   لقی شێخانی یەکێتی زانایان کۆدەبێتەوە    *****    *****   لقی سۆرانی یەکێتی زانایان دانیشتنی هەفتانەی خۆی سازدەکات   
د. جەعفەر گوانی
به‌رواری دابه‌زاندن: 30/01/2012 : 12:58:07
قه‌باره‌ی فۆنت
نه‌فره‌ت له‌ ژیانێك ویژان‌و مرۆڤایه‌تی تێدا نه‌مێنێت
ئه‌و دوو هه‌واڵه‌ زۆر ئازاریان دام، یه‌كه‌م: له‌ ناحیه‌ی رزگاری له‌ هه‌ولێر، پێشمه‌رگه‌یه‌كی زێره‌ڤانی له‌ ده‌وامكردن بووه‌، دوو منداڵ‌و هاوسه‌ره‌كه‌ی، له‌ ژووره‌وه‌ له‌به‌ر بۆنی غاز ده‌مرن، ئه‌وه‌ی سه‌یره‌ چوار رۆژ له‌ ژووره‌وه‌ تا پێشمه‌رگه‌كه‌ دێته‌وه‌، كه‌س ناچیته‌ لایان‌و پرسیاریان ناكات.

دووه‌م: منداڵێكی تازه‌ له‌ دایك بوو له‌ سه‌رمان ره‌ق ده‌بێته‌وه‌، باوكی ده‌ڵێت: پاره‌مان نه‌بووه‌ نه‌وتی پێ‌ بكڕین.

لێره‌ هه‌موومان ده‌زانین به‌شێكی به‌رپرسیارێتی رووداوی دووه‌م ده‌كه‌وێته‌ ئه‌ستۆی لایه‌نی حكومه‌ت، به‌تایبه‌تی به‌رپرسه‌ ئیدارییه‌كانی ناوچه‌كه‌، به‌تایبه‌تی كه‌ هه‌میشه‌ رێكلام بۆ ئه‌وه‌ ده‌كرێت گوایه‌ هه‌ژاری له‌ كوردستان نه‌ماوه‌.

به‌ڵام ئایا جێگه‌ی هه‌ڵوه‌سته‌ له‌سه‌ر كردنیش نییه‌ بۆ ئه‌و كۆمه‌ڵگه‌ی ئێمه‌، كه‌ ئه‌وه‌نده‌ نغرۆی دنیای مادیات بووینه‌، خه‌ریكه‌ هه‌مو شتێكی جوان له‌ده‌ست ده‌ده‌ین، ئایا رووداوی یه‌كه‌م هیچ دراوسێ‌و خزم‌و كه‌سێكیان نه‌بوو سه‌رێك له‌و ماڵه‌ بده‌ن؟

ئایا رووداوی دووه‌م: هیچ خێرخوازێك‌و مرۆڤدۆستێك له‌ شاره‌ نه‌بوو هاریكاری ئه‌و ماڵه‌ بكه‌ن؟

بۆیه‌ لێره‌وه‌ هه‌موو لایه‌ك ده‌بێ‌ به‌ دینداری‌و مرۆڤبوونی خۆی دابچێته‌وه‌، نه‌ دینداری‌و نه‌ مرۆڤایه‌تی ئه‌وه‌ نییه‌ یه‌كێك راببوێرێ‌‌و ئه‌وه‌ی دیكه‌ش له‌ ته‌نیشتییه‌وه‌ له‌ برسان بمرێت‌و له‌به‌ر غاز بخنكێت، كه‌چی هیچ ئاوڕیش لێك نه‌ده‌نه‌وه‌.

ئایا له‌ سایه‌ی دنیای مادیات‌و غه‌رقبوون له‌ مۆدێلات‌و مونافه‌سه‌كردن له‌سه‌ر ماده‌په‌رستی‌و وه‌لاوه‌نانی مزگه‌وت‌و په‌یامی دینداری به‌ره‌و هه‌ڵدێرێك ناچین، كه‌ تا نه كه‌وین لێی به‌ ئاگا ناهێینه‌وه‌؟!.