یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   یەکێتی زانایان بە هاوبەشی رێکخراوی هاردوایەرد خولێکی زانستی بۆ ژمارەیەک مامۆستای ئایینی دەکاتەوە    *****    *****   مامۆستا مەلا محمود ئەحمەد کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   لقی گەرمیانی یەکێتی زانایان زانکۆی گەرمیان بەسەردەکاتەوەو دوو پێشنیاری گرنگ ئاراستەی سەرۆکی زانکۆ دەکات    *****    *****   یەکێتی زانایان سیمینارێکی تایبەت بەناونیشانی پێگەی ژینگەو پێویستی ژینگەپارێزی لە دیدی ئیسلامدا ساز دەکات    *****    *****   مامۆستا مەلا عبدالله سەرگەتی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   بە ئامادەبوونی سەرۆکی یەکێتی زانایان مەراسیمی بەخشینی بڕوانامەی زانستی لە قەزای شەقڵاوە بەڕێوە دەچێت    *****    *****   مامۆستا مەلا رێدیر مجید مزوری کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   یەکێتی زانایان: "داواکارین بارسووکی و کارئاسانی لە پرۆسەی هاوسەرگیری و مارەیی بکرێت"    *****    *****   كتێبخانه‌ی زانای ئایينی سەرۆکی لیژنەی فەتوا (مامۆستا عومه‌ری جه‌له‌ولا) پێشكه‌شی زانكۆ کرا    *****    *****   ئەنجومەنی باڵأی فەتوا: حوكمی ئه‌نجام نه‌دانی نوێژی هه‌ینی له‌ كاتی گه‌شت و سه‌یراندا روون دەکاتەوە    *****    *****   ئەمینداری ئەنجومەنی باڵای فەتوا بە نوێنەری یەکێتی زانایان بەشداری دوازدەهەمین کۆنگرەی تەسەوفی جیهانی لە تورکیا دەکات    *****    *****   یەکێتی زانایان سیمینارێک بەناونیشانی (ئازادی بیرو ڕاو پرسی هەڵگەڕانەوە لە دین) ساز دەکات   
 هەواڵ 

د. جەعفەر گوانی
به‌رواری دابه‌زاندن: 18/03/2020 : 17:36:51
قه‌باره‌ی فۆنت
قەشە کەنیسەکەی کردە پێشانگای وێنە

 

ئێستا کە لەناو رووداوكی گەورەی جیهانی داین، پێویستە وانەی گەورەی لێ هەڵێنجین، یەکێك لەوانە دیمەنی ئەو قەشەیەی ئیتاڵیا بوو، لەبەرئەوەی کڵێساکەی چۆڵ بووە، نامەی بۆ نوێژخوێنانی ناردووە یەکەو وێنەیەکی بۆ بنێرن، ئینجا وێنەکانی گەورە کردوونەو، لەسەر کورسییەکانی داناوە، بۆئەوەی چیدی هەست بە تەنیایی نەکات. ئەمەش وێڕای وەفاداری، پێمان دەڵێت:

(ئەگەر خەڵك نەبێت، قەشەی کڵێسا (هیچی پێناکرێت)، مەلای مزگەوت (هیچی پێناکرێت)، سیاسی و بەرپرسەكان (هیچیان پێناكرێت)، ڕاگەیاندنكار (هیچی پێناكرێت)، بازرگان و دوکاندارو خاوەن پێشانگاکان (هیچیان پێناکرێت)، مامۆستای قوتابخانەو زانکۆو پەیمانگاکان (هیچیان پێناکرێت)، کرێکار (هیچی پێناکرێت)، کاسب (هیچی پێناکرێت)، شۆفێر (هیچی پێناکرێت)، قوتابی (هیچی پێناکرێت)، هونەرمەند (هیچی پێناکرێت)، قەساب (هیچی پێناکرێت)، نانەوا (هیچی پێناکرێت)، پزیشك (هیچی پێناکرێت)، ئەندازیار (هیچی پێناکرێت، پارێزەرو دادوەر (هیچیان پێناکرێت)،....

بە كورتی تەواوی دام و دەزگاو شوێنەكان دەوەستن.

کەواتە دەبێ بزانین هێجمان بە تەنیا هیچ نین، تەنیایی بۆ خوا باشە، با لەوڕۆوە فێری ئەوە بین واز لە خۆپەرستی و ئەنانیەت بێنین و چی دی بۆ (من) هەوڵنەدەین، با کار بۆ (ئێمە) بکەین، بەڵکە هەنگاوێکی دیکە بەسەرکەوین واز لە (ئێمە)ش بێنین و بەرەو (ئەوان) بڕۆین. بەو ئەقڵیەتە خیانەت و دزی و گەندەڵی و گرانفرۆشی و هەرچی کاری قێزەونە ناکەین، تەنانەت پارچە کلێنکسێکیش فڕینادەین و ژاوەژاوو دەنگێکیش ناکەین، چونکە (ئەوان) ئازار دەدەین، ئێستا دەبینی لەبەرئەوەی (ئەوان) لە ماڵەکانیان دانیشتوون هەموو ئیشەکانمان راوەستاون، تکایە با بۆ (ئەوان) بژین.