یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   یەکەمین کۆبوونەوەی راوێژکاری لێژنەی باڵای کردنەوەی زانکۆی ئیسلامی لە کوردستان بەڕێوە دەچێت    *****    *****   سەرۆکی یەکێتی زانایان بەشداری کردنەوەی مزگەوتي (محمد ئيسماعيل نانەکەلی) لە شاری هەولێر دەکات    *****    *****   مامۆستا مەلا عبدالحكيم شێخ بزێنی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   گۆڤاری زانستی (زانکۆی عیراق)ی توێژینەوەیەکی سەرۆکی یەکێتی زانایان بڵاو دەکاتەوە    *****    *****   لقا ئاكرێ یا ئێكەتیا زانایان سەرەدانا قایمقاما ئاكرێ و سەرۆكێ‌ زانكۆیا ئاكرێ دكەت    *****    *****   لقی گەرمیانی یەكێتی زانایان بەشداری لە كۆڕێكی رۆشنبیری دەكات و سەردانی مەڵبەندی 11ی یەكێتی نیشتیمانی دەكات    *****    *****   بەرپرسی لقی هەولێری یەکێتی زانایان بەشداری مەراسیمی دەرچووانی کۆلێژی قەڵای زانکۆیی دەکات    *****    *****   دهۆك: شاندەكا بلندا لقێ شێخان یا زانایان سەرەدانا رێڤەبەرێ نویێ ئەوقافێ دكەن    *****    *****   مامۆستا مەلا شەمسەدین خرابەدراوی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   لقی سۆرانی یەکێتی زانایان سیمیناری هەفتانەی خۆی سازدەکات    *****    *****   لقی ئاکرێی یەکێتی زانایان کۆبوونەوەی مانگانەی ئاسایی خۆی ئەنجامدا    *****    *****   لقی هەڵەبجەی یەکێتی زانایان کۆبوونەوەی ئاسایی خۆی ئەنجام دەدات   
د. جەعفەر گوانی
به‌رواری دابه‌زاندن: 27/12/2020 : 09:58:29
قه‌باره‌ی فۆنت
چۆن و بۆچی پێویستە کاربەدەستان بەشداری سیمینار و کۆنفرانسەکان بکەن

لە هەموو سیمینار و کۆنفرانسەکان تێبینی دەکرێت رێژەیەکی باشی بەرپرسەکان بەشدار دەبن، کاتێك ئاهەنگی کردنەوە دەستپێدەکات لە ریزی یەکەمەوە کورسیان بۆ تەرخان دەکرێت، بەڵام ئەوەی مایەی نیگەرانییە، هەر زوو بەشی هەرە زۆریان دەڕۆن و بەشداریکردنەکەیان تەنیا دەبێتە شتێکی تەشریفاتی، کە دواتر وێنەی چالاکییەکە لە تۆڕە کۆمەڵایەتییەکان بڵاودەکەنەوە، ئەمەش پێچەوانەی ئاواتی رێکخەرانی کۆنفرانسەکانە، چونکە کاتێك دەزگایەکی ئەکادیمی وەکو چالاکییەکی زانستی، کۆنفرانسێك ئەنجام دەدات، ئەوە پێشتر لە رووی زانستی کێشەیەکی دەستنیشانکردووە و چارەسەریشی بۆ داناوە، جا کاتێك ئەو دەزگایە کۆمەڵێك راوێژکاری وەزارەت و دەزگاکان، یان ئەندامانی لیژنە تایبەتەکانی پەرلەمان یان ئەنجومەن و دەزگاو رێکخراوەکانی نزیك لە بابەتەکە داوەت دەکەن، بۆ ئەوەیە تا دەستنیشانی دەردەکە و چارەسەرەکەشی راستەوخۆ بگاتە لایەنی بەرپرس و جێبەجێکار.

کەواتە پێویستە ئەوانە راستەوخۆ تا کۆتایی دانیشن و قەڵەم و دەفتەرێکیشیان بە دەستەوە بێت سەرنجەکانیان بنووسن، تا ئەگەر سەرۆک و جێگرێك یان وەزیرێك یان هەر بەرپرسێك نەیتوانی ئامادە بێت پێویستە یەکێك لە راوێژکارەکانی یان نوێنەرێکی بنێرێت تا کۆتایی بمێنێتەوەو شتەکان تۆمار بکات، دواتریش بەشێوەی راپۆرتێکی تێروتەسەل داوای ئەنجامەکەی لێبکات.

بەدڵنیاییەوە ئەم جۆرە مامەڵەیە دەرگایەکی گەورە بەڕووی چارەسەری زۆرێك لە ئاریشەو کێشەکان دەکاتەوە، دەزگا ئەکادیمییەکانیش رۆڵی خۆیان دەبینن لە چارەسەری ئاڵۆزی و کێشەکان، هەروەك دەکەونە کاریش بۆئەوەی رۆڵی مەزنتر ببینن لە بەرەوپێشبردنی وڵات.

بەو ئومێدەی هەر سێ سەرۆکایەتی هەرێم، پەرلەمان، ئەنجومەنی وەزیران، وەزارەت و دەستەو رێکخراو و تەواوی دەزگاکان ئەو بابەتە بە هەند وەربگرن و بەشداری و سەردانەکان جێگای خۆیان بگرن.