یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   یەکێتی زانایان سیمینارێکی تایبەت بەناونیشانی پێگەی ژینگەو پێویستی ژینگەپارێزی لە دیدی ئیسلامدا ساز دەکات    *****    *****   مامۆستا مەلا عبدالله سەرگەتی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   بە ئامادەبوونی سەرۆکی یەکێتی زانایان مەراسیمی بەخشینی بڕوانامەی زانستی لە قەزای شەقڵاوە بەڕێوە دەچێت    *****    *****   مامۆستا مەلا رێدیر مجید مزوری کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   یەکێتی زانایان: "داواکارین بارسووکی و کارئاسانی لە پرۆسەی هاوسەرگیری و مارەیی بکرێت"    *****    *****   كتێبخانه‌ی زانای ئایينی سەرۆکی لیژنەی فەتوا (مامۆستا عومه‌ری جه‌له‌ولا) پێشكه‌شی زانكۆ کرا    *****    *****   ئەنجومەنی باڵأی فەتوا: حوكمی ئه‌نجام نه‌دانی نوێژی هه‌ینی له‌ كاتی گه‌شت و سه‌یراندا روون دەکاتەوە    *****    *****   ئەمینداری ئەنجومەنی باڵای فەتوا بە نوێنەری یەکێتی زانایان بەشداری دوازدەهەمین کۆنگرەی تەسەوفی جیهانی لە تورکیا دەکات    *****    *****   یەکێتی زانایان سیمینارێک بەناونیشانی (ئازادی بیرو ڕاو پرسی هەڵگەڕانەوە لە دین) ساز دەکات    *****    *****   سەرۆکی یەکێتی زانایان سمینارێک بەناونیشانی (بنەماکانی پێکەوەژیان لە شەریعەتی ئیسلامدا) پێشکەش دەکات    *****    *****   بە بۆنەی بە پارێزگا بوونی شاری هەڵەبجە یەکێتی زانایان پەیامێک بڵاو دەکاتەوە    *****    *****   سەرۆکی یەکێتی زانایان بە یاوەری شاندێک؛ لقی سۆرانی یەکێتی زانایان بەسەر دەکاتەوەو دیدارێک لەگەڵ ستافی لق ساز دەکات   
 هەواڵ 

د. جەعفەر گوانی
به‌رواری دابه‌زاندن: 19/05/2015 : 18:42:56
قه‌باره‌ی فۆنت
قسەیەك دەربارەی دكتۆر عەلی قەرەداغی و توركیا

دكتۆر عەلی قەرەداغی وتارێكی بڵاوكردۆتەوە دەربارەی ئینجازەكانی توركیاو لە كوردستان رەخنەی زۆری لێگیرا... لێتان ناشارمەوە كاتێك وتارەكەی دكتۆرم دیت دەربارەی توركیا زۆرم پێ ناخۆش بوو، چونكە توركیا خەریكی سیاسەتە سیاسەتیش یارییە، بۆ نموونە توركیا دەمیرتاش بەوە تاوانبار دەكەن كە گووتویەتی مافی هاورەگەزبازەكان دەدین، بێگومان قسەیەكی خراپە، بەڵام ئێستا هاورەگەزبازەكان لە توركیا فول ئازادن و لە ساڵی ٢٠١٤شەوە بە پێی یاسا نابێ قسەی خراپیان پێ بگووترێت.

ئیدی ئەوەی دەمیرتاش بە قسە دەیڵێت، حكومەتی توركیا بە عەمەلی تەتبیقی كردووە. یان ئێمەی موسڵمان هەمیشە باسی یاسا سەروەری دەكەین، بەپێی دەستوور سەرۆكی توركیا نابێ لە كاتی هەڵبژاردن ریكلام بۆ كەس بكات، كە عەبدولا گول جوانترین نموونەی پیشاندا، بەڵام سەرۆكی ئێستا قورئانێكی بە دەستەوە گرتووەو شار بە شارو گوند بە گوند دەگەرێت.

لەولاشەوە دكتۆر عەلی قەرەداغی لەوە گەورەترە كە وتارێك بنووسێت بەم شێوە بە شان و باڵی توركیا هەڵبدات، ئێستا ئەو كەسایەتییەكی جیهانییەو لەسەر ئاستی جیهان حسێبی بۆ دەكرێت ئەم هەنگاوانە تەنها خۆ بچوككردنەوەیە. بەڵام لە بەرامبەردا خەڵكێك كە رەخنە لە دكتۆر دەگرێت دەیانەوێت یەكسەر سفری بكەنەوە ئەوە لە كاتێكدایە.

دەبێ كورد شانازی بەوە بكات كەسایەتییەكی هەیە لەسەر ئاستی نێوەدەولەتی ناسراوە، رۆژانی نەبوونی، هەزاران منداڵ و هەژارو فەقێ و مزگەوت و نەخۆشخانەو ئاوو ئاوەرۆكانی كوردستان بەهۆی ماندووبوونی ئەو پیاوە چارەی گرفتەكانیان دەكرا، یەكێك بوو لەوانەی لە گەرمەی شەری ناوخۆ هەموو هەوڵی یەكخستنەوەی ناو ماڵی كورد بوو، كتێبەكانی چەندین جار چاپ كراون، لە زۆر شوێنان وەكو مەنهەج دەخوێندرێن، راوێژكاری چەندان بانقە لە ئاسیاو ئەوروپاو ئەمریكا، بۆیە دەكرا رەخنە بگیرێت بەڵام نەك بەم شێوازی سفركردنەوە، چونكە كورد بە ئاسانی كەسانی وەهایان بۆ دروست نابێتەوە.

لێشتان ناشارمەوە حەز دەكەم دكتۆر عەلی قەرەداغی سەد ئەوەندە پێشكەوێت و دڵنیام لەوەش بەخۆداچونەوەی دەبێت، هەروەها خیانەت بەسەر كەس دابەش ناكەمەوە بەڵام پڕ بە دڵ ئومێدەكەم دەكەم هادەپ نەك بەربەستی (١٠%) بەڵكو یەكەمی توركیا بێت و لە داهاتووش چاكتر خەڵكی كوردی باكوور بناسن .